أنا طبيعي ولا ماني طبيعي ....شرأيكم شباب صبايا ...هل حالتي هذي مرضية وإلا طبيعية

قانون الطاقة · 08-15-2006, 06:25 PM

[grade="800080 FF1493 FF7F50 FF1493 800080"]أغمض عيوني أحيانا ......وأكتشف أشياء جدا عجبية بهالروح الغامضة .....أشوف جبال متوسطة الارتفاع فوقها رايات الاسلام تخفق ....جبال مثل جبال بيروت ....أشوفها كني أشوف هالكي بورد إلي أكتب بها لكم ألحين ........أشوف أعلان الاسلام تخفق والسما يغطيها لون زهري مع برتقال ويتخللها خطوط لونها أزرق سماوي ......مدري بس كان إحساسي ولا أروع وأنا أخفق بلا سبب خصل الشعر[/grade]
___________________________
[grade="FF0000 4169E1 FF0000 4169E1 FF0000"]أغمض عيوني أحيانا .......وأسمع صوت طقطقت الغيوم وهي تحتك ببعضها وحولي همهمات غريبة أحسها من ملايين الكائنات ....صوتها مجتمع مرعب مرعب لحد الخشوع .....أحس هالصوت بارد كله خشوع .....جسدي ينشحن بذيك اللحظة بطاقة رهيبة تخدر كل الجسد لدرجة إني احس الجسد بينفجر من إرتفاع الطاقة [/grade]
___________________________
[grade="800080 FF0000 800080 FF0000 B22222"]أغمض عيوني أحيانا .....وأطلع بروحي من جسدي ....لدرجة إني أشوف وانا خارج جسدي جفوني وهي ترتجف ....أتحرك وأشتم كل الروايح ....وممكن أروح لأي مكان أبغاه ....حتى إني مرة شفت نفسي أمشي لحظة غروب على مينا أمريكي كله بشر ....وفعلا صحيت فجأة وبحثت عن الوقت الوقت على مواني أميركا بذيك اللحظة وإكتشفت إن هناك فعلا غروب ....لا ونفس المباني والسفن [/grade]
___________________________
[grade="000000 4169E1 000000 4169E1 000000"]أغمض عيوني أحيانا .....وأطلع بروحي من جسدي ...اطلع لخارج الكوكب ....الشمس أشعتها أقوى وأقسى .....الفراغ حولي كله فتات حصى أحس بوخزاته .....أسبح بفضا مظلم ماله حدود ....يتلاشى خوفي إني ما أتنفس ....أسبح للقمر ....حواف فجواته جدا حادة ....وتربته جدا جدا ناعمة .....أرتفع وأرجع أستقر على القمر والجسد يحيطه هالة من نور ....أتأمل السما و القمر والارض تحتي ....فضا أوسع من تخيلنا .....كله حركة كله هدوء كله خشوع[/grade]
___________________________
[grade="0000FF FF0000 0000FF FF0000 0000FF"]أغمض عيوني أحيانا .....وغالبا لامرضت ...وأنساب بعروقي مع الدم لمحل الالم ...أشوف النسيج المصاب ...أشوفه كنه واقعي .....أستجمع كل قواي وأملى محل الالم طاقة ونور إلى حد يوفق فيه الالم عن النبض والانتفاخ يضمر ....أقرى أيات وتشتد من جديد هالة النور حولي إلين ما يعرق جبيني ...وعندها أعرف إن المرض زال [/grade]
___________________________
[grade="8B0000 FF0000 8B0000 FF0000 8B0000"]أغمض عيوني أحيانا قبل المعركة .....وأستنفر كل قواي وروحانياتي ....موقعي بالمقدمة وحشدي وراي ......أستجمع كل قوى النار ((الغضب)) أحسها تنساب وتكون طوق من نار على جبيني و فوق مسامعي ....أسمع طنين الاعصاب داخلي ...أحس بالقلب وهو يضخ ويشحن العضلات بالدم.....أطلق زفير من نار حرارته تلهب شفاهي ....أطلق الزفير ورى الزفير إلين ماأحس بأزيز قوي بالانياب وبحرارة من نار توهجت بين الحواجب وبين الحاجب والعين .[/grade]
___________________________

أدري إن 99.9999999% مهو مصدق كل إلي إنقال ....لاكنه واقع أعيشه بكل تفاصيله
مدري شباب صبايا هالحالة إلي فيني طبيعية وإلا أنا كالعادة زاحف ومصيف ومضيع الجادة !!!

^^ هند ^^ · 08-15-2006, 06:39 PM

لا طبيعي جداً لا تقلق اخي انت طبيعي 100%100

الموناليزا · 08-15-2006, 09:44 PM

وش هالفلسفه يا استاذ ادونيس

لا بالله منب طبيعي بس ماعليك حنا تعودنا عليك كذا

يعني لوصرت طبيعي ماعرفناك

الى الامام والله معاك

عربجي أسهم · 08-15-2006, 11:04 PM

لا ماعليك يا قانون

يعني لا تخاف

وانا شايف مثل حالتك بمستشفى الامل وعازمينك الشباب على القهوة عندهم

الأواكــس · 08-15-2006, 11:34 PM

ما عليك إلا العافيه ياقانون،،،،

أبدا ، إنشالله كل شي زين،،،

المشكله وما فيها إنك شفطت شوي بنزين تحسبه فيمتو،،، تعرف مع العطش في الصيف الواحد يلخبط،،
يوم شفطت البنزين ،،،، شرقت المكينه،،، وبدأ يضعف عندك البليتين ،،، وجلست تنتع مثل منت شايف،،،،، قل الحمدلله ما اندمر عليك الديلكو،،،،،

بس انت حاول الليله تنام على دحديره ،،، وانشالله خير،،،،

وإذا قمت الصبح و شفت حالك ما تحسنت ،،، تعالي ضروري قبل إفتتاح السـوق أزيت في خشمك،،،،

ابوعبدالله،،،،عبدالعزيز بن عبدالله،،،،،،،

الأواكــس · 08-15-2006, 11:36 PM

يا جماعة ،،،،،،،

هذا بس قانون،،، جالس في قهوة الإقلاع،،، مثلكم عارفين،،،،،

ابوعبدالله،،،،،عبدالعزيز بن عبدالله،،،،،،

العنـــا · 08-16-2006, 01:02 AM

والله الضاهر انك منت مزبوووووووووووووووووووووط

أبو ريـان · 08-16-2006, 01:39 PM

هذا والله من كثر شرب الميرندا وهي حارة

لا بسيطه واظب على العلاج وكلها 20 سنة وبتتحسن

بس حلوة سالفة المينا الأمريكي خخخخخخخخخخخخخ الناس تطق لها 14 ساعة طيران وانت في لحظات .. عساك سبحت بس

قانون الطاقة · 08-16-2006, 08:46 PM

يركضوا حشدي هاربين من المعركة .....كل ملامحهم فزع وخوف ....يركضوا فارين من عصابة أنذال ...من أشباه رجال

الصدر بدى يخفق ...كل الجسد بدى يخفق ...حسيت إن براسي إنفجر ألف عرق ....أنهزم قدام هالانذال ما أصدق .....يكسرني 50 رجال وأنا أتنفس الافق ......لامايتحقق هالمنطق ....لا مايتحقق

الاصحاب بين الاعداء إتركوني ....الاعداء حاصروا القايد حاصروني .....تحت أقدامي ألف زلزال إرتجاف يهز جبال إرتجاف يقول لا ماتهزموني

[grade="FF0000 000000 FF0000 000000 FF0000"]إنثنت الركبة ....وبدت بعزم مليون نمر الهجمة....أروغ عن مليون ضربة ....وأشد العز وأأوجه اللكمة ......الجسد يرتفع فوق ويهبط بمعركة موت محتدمة .....اتصالي مع الحياة أحيانا ينفصل والعالم يصير ظلمة ....وأرجع أنتفض وحش غرقان بدمه .....من بين أرتال العدو أطلق لطرب صرخة ....حجر يضرب الخصر وعصا تكسر الظهر ومليون حركة باللحظة ....أنياب تنتش عروق من هذا من نحره ....وهذاك أسحق راسه بضربة جبين بعد ماأمسكه من شعره ....وإلي هناك جايني يركض وبيده خنجره .....إنتبهت لسلاح ناوي يسدد لي طعنه .....أمسك يمينه وأغرزها هي والخنجر بظهره

جاني شقيق الروح ...أخوي عبدالله ....جاني مع ربعه
يركض مثل البركان عن أخوه محد يمنعه .....يدور حولي مثل الريح عدوي يدمره ....صقوره تخفق مثل النار حولي وأخوي شايلني على كتفه ....يركض فيني وإثنين وراه تحميه من أي ضربه .....يبعدني ويرجع لحرب كانت لي وصارت حربه .....ويقولون لي هالاخ بالذات ياقانون ليه تحبه ......ويلموني ليه أعطف عليه وتحت جناحي أحطه

وحش ضاري دربته
وهذا هو جاااااا وقته
شد زعم الغضب ياعبدالله
من هاجم أخوك لاترحمه
وحش ضاري دربته
وهذا هو جااااا وقته

[/grade]

mr_wathq · 08-16-2006, 08:57 PM

ما تشوف شر ياخوك
الظاهراحلام اليقظة عندك فل لكن كل الناس كذا
والحمد لله ان كلها خير في خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري