للبنات فقط .... الجلسة سرية

TARGET

إلى كل بنت ناشبة في حلق اهلها وماتزوجت مع انهم حاطين معها اختها مجــاناْ


* كيف تصطادين المعرس .

للإجابة على هذا السؤال إليكِ مايلي :-

* أهم نقطة نشني على العجوز اللي حاطه

عينك على ولدها ثم نفذي ما يلي :-

1) خليك مع امك لاتروحين مع البنات

وتتهيبلين اصبري عنهن كم شهر
لين تتم العمليه .

2) امشي وانتى حاطة راسك بين كتوفك
لاترفعينه ابد علشان يقولون مؤدبه وماهي متكبرة.

3) كلمة خالة خليها على لسانك وخاصة
لأم المعرس علشان تحس بنوع من التميز عن بقية
العجايز ولامانع تنادين عجوز ثانية بخالة
علشان اذا مانجحت الخطة مع العجوز نمبر ون
تنجح مع الثانيه <<< الاحتياط واجب وأنا أختك
4) اذا بدت امك تتكلم انغزيها بكوعك
علشان تدخلك بالموضوع حتى لو مالك داعي تطبيقاْ
للمثل ( كثر الطق يكسر الحديد ) ادري المثل ماله داعي بس مالقيت غيره .

5) اخوانك الصغار لاحقيهم وطامري
معاهم وين مايروحون حتى لو ماهي عادتك بس تصرفي
معهم كانك امهم عشان العجوز تاخذ فكرة انك حريصة على ذريتك
( جعلهم عقبك )

6) كل ما اكلت امك من اكلة زينة خليها تقول :
نفس الأكلة اللي تسويها بنتي
( حتى لو الاكل من المطعم الصيني أو المكسيكي!!! ).

7) اذا جيتي بتمدين ايدك جعلها للكسر <<< خربتها
توجعي وخلي امك تقول : قايله لك وانا امك لاتنظفين
جدران الفلة الخارجية بس انتيالله يهديك ذابحتك
النظافه <<< جعلي ما ابكيك
اجل بتنظفين جدران الفلة نظفي غرفتك أول اللي تقولين
ثايرة فيها قنبلة ذرية

8) اذا تكلموا الحريم عن العرس اكتمي نفسك لين تحمر خدودك
عشان يقولون البنت تستحي ومالنا حق تكلمنا عندها << بس لاتكتمي نفسك واجد أخاف تروحين فيها واصير قتلت نفس بغير حق ؟؟!

9) مهما كان موضوع الحوار حماسي لاتبدين رأيك خليك مثل الطرمان
لان اللقافه تجيب اجل الخطه

10) شعرك افرديه لاتخلينه طاير وشوشه مهما كانت الموضه لان العجايز ما يدورون إلا اللي
شعورهم ناعمه والا اللي شوشهن طايرة محد يلتفت لهن (مع احترامي للي لهن شوش طايره )

11) إذا أدلت العجوز (أم المتوهق) بأي راي سواء سياسي ولا وطني ولا اقتصادي وافقي عليه حتى لو انه ماسخ وماله داعي
مثلاْ تقول العجوز: أمس بوش متقهوي
عندنا يا فلانه قولي لها وليه ماعلمتينا ياخالة نجي نعاونكم؟؟

12) في العروس لا ترقصين واعتبري الرقص عيب وشق جيب اقضبي ارضك وانثبري.

13) اذا جا طاري السوق وهو طبعا لازم يجي الطاري لانه ملح الجلسه

عندنا خلي امك تقول ( الله يعظم اجر اميمتك) بناتي مايطلعون للسوق ابوهم يجيب اغراضهن .

))))))))) احتمــــــــــال وارد الحــــــــــدوث (((((((((

يمكن تكون العجوز منشنه على بنت غيرك لكن بعد النقاط السابق ذكرها بتصرف نظر
عنك وعنها <<<< امزح لاتصدقين

ماعليناااااااااا المهم الحين العجوز بتكون وقعت بالفخ

* نروووووووووح للمعرس اهجدي في بيت اهلك ولاعاد تطلعين واذا جا المعرس بيشوفك خلي

ابوك يقول والله ودي تشوف البنت بدون ماتدري علشان تاخذ راحتك وانا عمك وبعدين تشوفها على الطبيعه علشان ماتقول غشيتوني << إيه هين يالشايب والله لو بيدك لتحط مكانها
باسكال مشعلاني ولا نوال الزغبي ولا غيرها وغيرها
* وقبل يجي اليوم اللي بيشوفك فيه بحوالي اسبوع او اكثر ( على حسب شين وجهك )
اركضي من صالون لصالون (صبغه، فرد، تنظيف بشرة ....الخ) لاتخلين على روحك
قاصر ولما يجي المعرس خلي اخوك ياقف جنبه عند الشباك عشان ما يطوّل بالبحلقة ويبان المستخبي وذلك تطبيق لنظرية اللمحه ذبحه.
* بعدها عاد كيف بيشوفك هذي عليك ماهوبكل شي بعلمك اياه دبري عمرك بس خلي ابوك
بنهاية المشهد يقول : العذر والسموحه وانا عمك
<< الشايب ضمن المعرس يوم يقوله وانا عمك ترا البنت حوسه (مع انك طاقه كل زينك ) بس بهاللحظه الولد بينط على راس ابوك ويبوسه لين يشفط مخه وبيقول متى العرس ياعم

( اللهم ارحمه فقد كان باراْ بوالديه )

عاد الله يوفقك ولا تنسينا من

حلاوة العرس واياك تعلمين الولد من معلمتك هالعلوم ولا حتى باسمي اتفقنا


(((((((( تحذيــــــــــــــــر ))))))))

ابتعدي عن امهات الشباب اللي متعلمات راعيات الشنطة مثل لون الجزمة لان هذولي يبيلهم خطط بعيدة المدى


(((((((( نصيحــــــــــــه )))))))))

رفيقاتك بيلاحظون التغيرات المفاجئه اللي صارتلك فانتي قولي لهم انك خلاص انسانه عرفتي درب السنع والعداله

منك العيال ومنه المال

وانشاء الله تعيشون في سبات ونبات

وتخلفون صبيان وبنات




ملطوووووووووووووووووووووووووووووووووووووووش بعنايه فائقه

TARGET

اللورد

كلام جميل لكن ما أعتقد أن البنت تقدر تتصنع

كل هذا يا صاحبي Target

وإلا وش رايك.

ومشكوووووووووووووور على اللطش الرائع

الطش والطش ما بدا لك من الأشياء المفيدة.

ابولينا

هاهاهاها الله يعطيك العافيه الله يزرق المراه المسلمه الزوج الصالح ولا تجلس ولا وحده عانس

نواره

هههههههههههههههههههههه بس المره الجايه عط دروس لشباب مو للبنات عشان احنه البنات ما ينخاف علينه اول شيء نسبة العنوسه بلمملكه 10% قليل جدا بنسبه لباقي الدول ولا زم تعرف انه في السعوديه عندنه نسبت الذكور اعلى من الانااااااااااث يعني الله يعينكم يارجال اذا تزوج كل البنات في 10% منكم ما رح يلقون بنات يتزوجونه
يعني في السعوديه اشينه والحلوه بتلقه رجال يا خذه لوووووووووول الله يعينه على عنوست الرجال

الموناليزا

عربجي أسهم

سمك في بحر يا رجال

وانت وحظك

استشاري اسهم

كلامك عسل ياعسل عسى البنات يحسن فينا شوي

attimsah

والله وانا خوك ماعاد فيه امان !!!!!!!!!!!
الواحد ياخذها عالفحص الدوري أحسن
لالالالالالالالالالا ولو تقدر تبلص الهندي عشان يدور زين !!!!!!
ابرك لك





446920263cLmgBJ_th.jpg

أبـــوأحـــمـــد%

هههههههههههههههههه الله يقطع بليسك ياتارقت

(والحرب خدعة ) اشوفة صارت حرب مهوب عرس


وكان طيب وحبوب ( عظم الله اجرك)


هذولي لازم تصلح لهن مخطط ياتارقت وبأقرب وقت لان العجز بدأن بالانقراض