عيوش للناس ظروفهم قد تحتم عليهم بعض ما يدعو للذهول وعندك مثال اعرف شخص قريب كل ما راحت زوجته لبيت ابوها ترجع مثل الجني وانواع العصيان والشطانه وبعد مده من اقناع الزوج ترجع وش حليلها واذا راحت بيت ابوها رجعت نفس المره السابقة
ياعيوش بعض الامهات وبال على بناتهن وهي تحسب انها تسوي الزين والرجال يحب زوجته ولا وده يقطعها من اهلها ولكن ما الحل برأيك شوي شوي راح تزيد المشاكل وقد تكون النتيجه الطلاق وشتات الاطفال وانا اقولك بكل صراحة المره كل ما زادت رجلها لاهلها تأكدي بتزيد مشاكلها ولكن الافضل ان يسدد ويقارب .
تدرين وش النهاية الرجال منعها من زيارة اهلها طبعا استنفذ كل ما لديه من شرح ما يحصل لابوها على شان تركد العجوز وما في فايدة واخيرا منعها من زيارة اهلها وقال اذا اهلك يبغون زيارتك يتفضلون عندنا (( طبعا على شان امها ما تستفرد فيها )) واخيرا راحوا اشتكوه للمحاكم وما طلع بيدهم شي بالعكس الشيخ ايد فعلته لانها تمنع مفسدة .
وعلى شان ما تنزعجين الموضوع كله بيد الزوجة فيجب عليها ان تصبح بوجهين صدقيني افضل زوجه عند اهلها تسمع وتطيع لاكن ماتنفذ الا ما يروق لزوجها اللي تقدر تضبط نفسها كذا تنجح مع اهلها وزوجها .
تخيلي جدتك اللي هي ام امك تبغى تحكم بزوج بنتها اللي هي امك راح توافق طبعا هذي خطوط حمراء .
وفوق هذا كله قطع الوصل غير مرغوب فيه .
بعدين تخيلي زوجك بدون شخصية وامه تعطيه شويه اوامر ويجي يطبق عليك وش بيكون ردة فعلك
فمثل ما لك عليك وان شاء الله وصلت الفكره |