 |  |
| | |
 |
|
<
 |  |  |  |  |  |  |  |  |  |
 |  |  |  |  |  |  |  |  |  |
تنبيه إداري هام: أي توصية ليست مدعومة بتحليل أو أسباب سيتم حذفها فوراً.
I الأسهم السعودية I الأخبار الاقتصادية I التحليل الفني I الفوركس I العقاروالإستثمار I وظائف I الأسهم الخليجية I الأسهم العربية I دليل الأسهم I
| جديد المواضيع: | |
| |||||||
| التسجيل | التعليمـــات | قائمة الأعضاء | التقويم | اجعل كافة الأقسام مقروءة |
| استراحة المساهمين طرح ومناقشة المواضيع العامة وجميع المستجدات والأحداث والتى تحمل الفائدة .المنتدي العام - مواضيع عامة - |
 |
| | LinkBack | أدوات الموضوع | انواع عرض الموضوع |
02-10-2008, 05:12 PM
| #1 |
| عضو ذهبي  |  هل سبق وانجلدت ؟؟؟؟ السلام عليكم ورحمه الله في ليلة شتوية شديدة البرودة من ليالي المربعانية وفي قهوة الوالدة في جلسة احمدية وامام المشب والضو ما عندك احسن منها حصلت بعض الاعترافات الخطيرة والتي ربما نتجت عن كثرت شرب شاهي الزنجبيل بالحليب ( شاهي + زنجبيل + حليب ) والتلحف بالفروة والواحد ودك ما يتحرك او يفتح الفروة لا تهب علينا السموم من الفروة ما لكم بالطويلة في هذه الجلسة المخملية حصلت بعض الاعترافات من بعض الزملاء انهم سبق ان انجلدوا يعني اندبغوا وهذا شيء غير عادي والسبب ان الناس دايم تستعرض بطولاتهم ، يجيك الواحد مالي بطنه تسذب وبطولات ياما دبغ خمسة بالعجرى والسادس بغى يموت والله لو الناس ما فكوهم كان موديهم سرداب الشيعة والا يجيك واحد ليخ وعصاقيله كنها مساويك ويتغنى بدبغه لعشر افغانية وغيره من الاساطير المصاطيلية . الاجواء في قهوتنا كانت غير فالاعترافات كانت حاضرة واتركم مع اول قصة وهي حقيقة والبهارات والحبكة مني يقول خوينا كنت طالع من الدوام والنفس شينة مره وزحمات وغثى تعرفون الرياض اكيد ويجيك ذاك الليموزين يمشي طبلونه ويحدني ذيك الحده اللي يحبها قلبك يوم جاني الشيطان الله لا يعيده ويلعب علي ويقول الحقه تراه ليموزين وره الشغل المهم صدقت ولحقته وخذ يا تكبيس وبوراي يوم الليموزين شخط وانا الحقه واحده يوم لف ودخل حي جديد – ناويني الوسخ - يوم صرت اباريه بالموتر واثاريه باكستاني – بلاه ابيض ما هوب ادغم- وقصير على طول جا الشيطان وقال تراه ضعيف وقفه والزخه وعلى طول احده والزه على الرصيف وانزل بسرعة لمه والعن واسب واتفل وناوي شر اني ابلعن خامسه يوم ينزل ذاك الباكستاني الطويل عريض المنكبين كنه الرجل الاخضر مدري شلون متسفط في الكامري وانا افكر بسرعة انحاش والا اتضارب معه بس حسبي الله على التفكير الغجري المداري الاستوائي قلت خل اجزم يمكن يذل واجيك اركض واطمر عليه يوم لقفني ومسكني من تحت آباطي ورفعني كني بزر وانا ادودل رجليني ثم نزلني على مستوى وجهه وجلس يطالعني والله تشم ريحه السويكه مع وشو الخياس حقهم من اثمه ثم عصرني ذيك العصره يوم شهقت ذيك الشهقة وابي انفس والنفس جالس في صدري عيى يطلع ويعصني ثانية يوم طلع شريط حياتي قدامي والظاهر اني ارتخيت من تحت ثم جدعني على الارض واحس اني في منطقة انعدام الوزن والجاذبية والدنيا مضلمه مره قلت اكيد بس القبر ما دريت الا هو كامشني من صدري ورافعني مره ثانية ثم تفل بوجهي الله يلعنه وبس اشوى صحصحت شوي وقربني لوجهه وقال والشرر يتطاير من عيونه مره ثاني ياهمار – حمار- انا افرم لهم – لحم- انتااا ثم جدعني على الارض وركب موتره ومشى طبعا الوسخ يوم يدخل حي جديد توه قايم ناويني علشان ما احد يفكه مني قصدي يفكني منه الوسخ بس خيره والا كان صرت مقطع بلوتوث . قمت ما بين مصدق ومكذب واطقق ثوبي واجمع اغراضي وامشي للموتر تقل سكران واروح للبيت طبعا الوالده يوم شافتني تروعت وقالت عسى ما شر وجهك متغير قلت ابد تعبان وبغيت اصدم وهي تقوم الله يجزاها الجنة وتصلح لي عصفر – العصفر شراب ذو لون اصفر فاتح لا يمت للنصر بصلة- واورح ابنام ماش مقهور ووجه الكلب يطلع قدامي على طول واحسن اني عايش حلم وردي بريحة الفل والياسمين طبعا احتجت كم يوم علشان ارجع طبيعي وذاك الشارع حرمت اطبه ويالله ياحلوين الي تصطر وتفقع وجهه يسدحلنا سالفته فيذا هههههههههههههه هههههههههههههههههه ههههههههههههه |
|
| |
 |
|
02-10-2008, 05:31 PM
| #2 |
| عضو ذهبي | ههههههههههههههههههههههههه ياكثر الكلمات اللي مافهمتها بالقصه فيه مصطلحات غريبه  يلاا اهم شي اني فهمت الزبده والرجال انجلد ههههههههههههههههههههههههه تارقيت  وراك ماتبدأ انت وتقول لنا من اللي جلدك !!؟؟قول قول ياعمــي ما احد يسمعك من ناحيتي جلد كذا وحركاات لا والله ما صارت ولا كانت سالفه على كل لسان لاني من جد شريره  هــي بصراحه مره بالمتوسط استاذه الله يجزاها الجنه ويذكرها بالخيـــر سببت لها مشكله كبيره بكلمة حق قلتها والظاهر انها ماتحملت ما صار لها جات تهاوشني واحسبها والله بتناقشني بكل ذوق وأدب مادريت مع الحماس الا وهي تعطيني كــف بصراحه ما الومها ههههههههههههههه بس الحق حق لو على الرقاب للأســف ,, للأســـــف الشديد والله ولليوم هذا متحسفه على هالشــئ اني مديت يدي عليها ورديت الكف بكــف هههههههههههههههههههههه هههههههههههههههههههههه كل شي ولا مدة اليد اقطعها لها !!!!>> شريره  وليومكم هذا ما احد يعرف بالسالفه الا انا وهي فقط >> ماتحب احد يتتدخل بمشاكلها هههههههههههه سيدة موقف خخخخخخخخخ |
|
| |
| |
|
02-10-2008, 05:38 PM
| #3 |
| عضو ذهبي | تعال ,, تعال , تارقـــــــيت لاتهرب ترجم الكلمات التــااليه ,,!!! بلاه ابيض ما هوب ادغم ؟؟  تشم ريحه السويكه ؟؟ وتصلح لي عصفر – العصفر شراب ذو لون اصفر فاتح لا يمت للنصر بصلة؟؟ والله ما قصرت بالشرح اكيد من اسمه ان لونه اصفر بس وش مكوناته !!؟؟ دائما انتقو الكلمات اللي على قدي لاني اتعذب اذا مافهمت ودي افهم هههههههههههههههههههههههههههههه قول لاتتدققين بس ههههههههههههههه |
|
التعديل الأخير تم بواسطة عايشه بصمت ; 02-10-2008 الساعة 05:43 PM. سبب آخر: نسيت حرف | |
| |
|
02-10-2008, 06:05 PM
| #4 |
| ][][مشرف إداري][][ | ههههههههه لا .... للتعليق حضورك إبــداع تارقيت والله يكفيك الشر والشيطان لك مودتي وننتظر جديدك الغالي |
|
| |
| |
|
02-10-2008, 09:47 PM
| #5 |
| [][مشرف ملتقى الأعضاء][] | والله انها قصه كلها عبر وحكم هههههههههه الله يوفقك |
|
| |
| |
|
02-11-2008, 03:02 AM
| #6 |
| [][مشرف استراحة المساهمين][]  | والله قريت الموضوع كثير وكل مرة أقعد أضحك أكثر من إلى قبلها بارك الله فيك تارجت دائما مبدع |
|
| |
| |
|
02-11-2008, 02:19 PM
| #7 |
| عضو ذهبي | سعيد بمروكم دائما وجعل السعادة دووووووووووووووووووم مرسومه على محياكم |
|
| |
| |
|
02-14-2008, 05:18 PM
| #8 |
| عضو فعال | كعادتك فكاهي ومميز وبنفس الوقت جذاب بلا عذاب ههههههههههههههههههههههه |
|
| |
| |
|
| أدوات الموضوع | |
| انواع عرض الموضوع | |
| |
|
العرض العادي
