مدينة ....تتنفس بشر
وهناك ضايع وحيد
بالعتمة ضايع البدر
وانا بردان....ولهان
اعد الخطى واتنفس
واستنفر من كل وجوه البشر
قسى وهموم.....واركان مباني
وانوار الشوارع كنها هالات نور
من بين الغيوم

وأنـــــا
ياضعفي بدنيا الوله انا
روحي كساها عمق الازرق
ودفى بدموع حب بدى يغرق
وخطى وعشق وأرق

وأنـــــا
بأسكت لاقلت هالحروف
بأسكت لا قلت
أنـــــا

كلي رغبة
كلي رغبة
ودي اطلق بعالم
كله جنون صرخة
كلي رغبة
اوقف الزحمة

وين ايامي الشفافة
وين ضحكتي الحساسة

وانا بشوارع
كلها شموع
وضحك مستهتر
يشمت برقة دموع

بديت استرجع الذكريات
وابتسم من مواقف وحكايات

وغمضت عيوني
وثارت من عمق الروح دموعي
ثارت بقسوة البرد
نيران من عمق يسكن ضلوعي

تذكرت
صالة تحضنها حديقة
صالة كبيرة
وحولها حديقة

هاذي سيارتي الصغيرة
سيارة صغيرة لطفل حالم
سيارة لطفل عمره 4 سنين
واقفة بين الاعشاب
اتحسسها
اخاف عليها كثير
كنت كثير احبها

اوقف لدقايق
اراقب غيوم
الشتا
اراقب غيوم
ترحل وترحل
كنت اسال
متى توصل

تمطر بأيام
دقايقها كنها احلام
صوت لرعد ينفجر فوقي
وانا عند لعبتي
يناديني احسه يناجيني
اترك لعبتي
والتفت

يثور من علمني القسى
يثور نوووور ....إستاذي البرق
يتبعه درس سميته الرعد

أخاف .....ارتجف
ما اعرف
ليش هالقسى كله
بهالجمال يرتجف
ما اعرف
ليش رمادية الغيوم
من قسوة البرق تنخطف
أخاف وارتجف

وتبدى معزوفة المطر تنهمر
تبدى كل معالم خوفي تحتضر
واركض فرحان
طفل هيمان
من ضحكة الحياة منسر
توه يعيش فرحة الفجر
وبعد كل هالسنين

عرفت الاجابة
توي توي عرفت الاجابة
بعد كل قسوة ورجفة وبكى ودمعة
تحل على البشر رحمة
سبحان الله
امطرت السما
وغطى كل الكيان دفى
بعد برد وخوف وقسى
سبحان الله

صحيت من غفوة الاعماق
صحيت من فجوة زمن لطفولة وأشتياق
رجعت لواقع كله جمود وطمع
وجود قاسي يوجع
رجعت لواقع ماينطاق
رجعت لشوارع كلهاجنون
وشوارع كلها صمت...رجعت
همست بعمق المدينة همست

يامدينة يامدينة
تراني بماضيك للحظات سكنت
توي كنت بماضي لكي كله الوان
لاكن رجعت
ماقدرت ماقدرت
اسكن بماضي انا فيه مت
ماقدرت يامدينة كلها سواد واكتئاب
لاتلوميني يا مدينة ماقدرت

وصرت افكر
وانا برحلة خطى
بليل كله برد وسهر
افكر وحيد مثل هالبدر

وش بقى لي
من عالم الالوان غيرها

وش بقى لي
من عالم كان كله حنان غيرها

وش بقى لي غيرها

وش كثر انا أتعذب
من كثر حبي لها
أحبها
أخاف عليها
كثير اخاف عليها
من رياح باردة
حسيت بألمها
خايف تمر وتوجعها

والثواني
تنبض وتنبض
وانا كلي خطى
ودموع وخوف وقسى

مدري انا وين
مدري انا
من سكرة الود والحنين
مدري انا وين
بين هالسنين والانين
مدري انا وين

تحتضن وردية ودفى الجسد
ملابس كلها عتمة
ورياح باردة ماتعترف بالرحمة
ودفى ذاب ذاب بدمعة

وش كثر انا مشتاق للبنت وأناملها
وش كثر انا محتاج احتضن اناملها

هذا انا صرت اشوف دمعها
معها انا معها
نايم انا الحين بعمقها


وتروووووووح ثواني
وتروح وانا مواصل رحلة السهر
بمدينة معاني
من سكرات الضياع
والخطى والحنين
كل هالكون نساني
وتروح وانا كلي شوق وآآآهات
وحب حاضر وماضي طفولة مات
وإنتظار صامت على المواني
بالروووح تروووح ثواني

وتروح وتروووووووح الثواني...!!