شخص متصفح

آســـف انا في حبي لـك تسرّعـت
ظنيت الاقـي فيك شئٍ فقدتـه
كنت احسبك مجروح مثلي تولّعت
جربت فرقى شخص قلبـك وهبته
كنت احسبك من مر جرحك تجرّعت
حبيت فيك احسـاس طفـلٍ لمحتـه
لوقلت آآآه بوسط روحـي توجعـت
ولو شفت دمعاتك شعـوري سكبته
ولو تطلب اعيوني ابد مـا تمنّعـت
واعطيك قلبي لو بعد مـا طلبته
وصلــت بك اعلى مكان وتربّعــــت
وفي قلب غيري ياالغضي ماوصلته
واصبر على صدك واشوفك تدلّعـت
واعطيك ود ومـا اظنـك حسبتـه
اذهلتني بطباعك اللـي تطبّعـت
حتى قصيدي فيك ابـد مـا فهمـته
لو كان غاياتك حروفي فانـا بعــت
وافرح بجــرح الشاعر اللي جرحته
وأرجوك من صدك تراني تشبّعـت
خلك مع اللي عاجبـك أو عجبتـه
يكفي قهر في جيّتي لـك تواضعـت
تركت غيرك لاجـل عينـك وبعتـــــــه
ياليتني عن حب مثلـك ترفّعـــــت
ياليت قلبـي قبـل اعرفـك دفنتـه
لكن ابا أبعد دامنـي بـك توهّقــت
الله يرحـم حبنـا اللـي ذبحـتـــه
انا شريت الود والحيـن انـا بعـــــت
وانا عطيتـك قلبـي اللـي قهرتـــه
في يوم جيتك اطلبـك ود واقنعـت
نفسي بانك شخص عـادي عرفتـه
كمل حياتك مثل مـا انـا توقّعـــــت
تبقى اسير الماضي اللـي فرضتـه
ولا يحزنك اني غلطان وتراجعـــــت
حولك بدالــي ألف شخـصٍ عجبتـه
اما انا لا يمكن اخضـع ولا طعــــــت
يحرم علي اعطيـك قلـبٍ خذلتـــه
باريّحك من شوفتي يـوم قاطعـــت
اسلوبك اللي بـه تجامـل كرهتـه
غلطان يا المقفّي انـا مـا تتبّعـــــت
غيري يتابع خطوتـي مـا تبعتـه
ما ينحني راسي لو انـي تقطّعـت
وما هو انا مـن لا رميتـه لقطتـه
وان كان غرّك حكي عذالي وطعت
الله يعلـم كيـف قلـبـي سكنـتـه
اللي مــلى قلبـك علـي وتسمّعـت
خلّه يعوض شخص مثلـي خسرتـه
انـا بمـا فيـــه الكفـايـــــه تـــولّـعـت
واللي بقى من قلـب فيني حرقتـه
باول لقاء سلمته احساسي وضعـت
غلطة حياتـي يـوم قلبـي سلبتـه
واستسمحك فالبعد كانـي تراجعـت
ما عاد ابا القى فيـك شـيٍ فقدتـه
طبعك مثل غيرك وطبعي كما كنـت
احب شخص وليا تركته.. تركته
وان شفتني صدفة بعينـك تطلّعـت
ذكّرتنـي بإنسـان غالـي فقـدتـه


الشعر هذا سرقني ماسرقته
ولكن لطشته وياليت يعجبكم