10-24-2007, 09:03 PM
|
#1 (permalink)
|
| عضو ذهبي |  عـــــائـــــــــــلة المؤشـــــــر الكــــــــرام ... ,,,,
عائلة المؤشر الكريـــــــــمه
طبعــاً احساسي بقربكم لي وانكم اهلي لا يوصف
ومستحيل اني اكذب بمشاعري ا و قد لا اكون متأكده منها
فلذلك احـــــــس انكم عائلتي
وعلى ذلك جرى التقسيم على حسب الاحسااااس ههههههههههه
>>>> انتبهي بشويش
طبعاً انا أمــــ للكثير من الأعضـــــــــاء
وهم ....
ولدي الأول : قانون الطاقه وهذا اكبر عيالي
الثاني : حرنــــــكش
الثالث : مبحــــــر
الرابع : المعاني
الخامس : فارس العرب
السادس: شخص متصفح
السابع : المصحح
الثامن : النواق
التاسعه : سبوت لايت اخـــــر العنقود
>>> معقوله عندي 9 ههههههه الله يخليهم لي يارب
الأب لا يوجـــــــد هههههههه
بقول كل واحد صفاته مع امه وش تشوفه وتحس فيه
قانون الطاقه :
قاااااااانون وما ادراك ما قانون طبعا الولد الكبير غير هههه >> مصدقه مره
هو رجـــــال البيت وشايلنا انا واخوانه على راسه
والمســــــؤليه عليه كلها
اذا شفته احس بأمـــــان بحكم انه يساعدني في تربية اخوانه
على كثر اعتمادي عليه واحسه قدها وقدود
إلا ان قلب الأم لا زال يخاف
اشيل همه واخــــــاف عليه من همنا
طبعاً ما تزوج لحين رافض يقول اذا تتطمنت عليكم
وانا نفسي اشوف عياله قبل امــــــوت
بس كلمته تمشي على الكل
حرنـــــــــكش:
هذا ولدي أطيب ولد من أولادي يشرح نفسيتي اذا شفته داخل علينا هو وعياله
وولده ابراهيم الله يخليه له يارب ولأمه
طبعـاً هو متزوج مع انه اصغر من قانون
لا ن تعرفون قانون وش موقفه ورأيه
من هالموضوع
احب اسمع دعوات ولدي حرنكـــــــــش
مطيــــع ومؤدب وخدوووووم
الله يتم عليه طاعته يارب
مبحـــــــر:
ياولدي يا مبحـــــــر كثير الغياب عن البيت يبني مستقبله
اشوفه في طلعاته ودخلاته للبيت مســــــرع دايم مشغــــول
وانا خااااايفه عليه كثير لانه ما يهتم بنفسه ويجلس معها
يعني مهمل نفسه دايم ومركز على شغله ودراسته
واخاااف يجي يوم يمل من اللي هو فيه
ودايم اوصي قانون عليه ينتبهله وينصحه
المعـــــاني :
ماأشيل همه لانه داااايم بالبيت ما يطلع كثير
تحت نظري يعني
صح ما اشوفه دايم
يا بغرفته يا بمكتبه يقرى
يعني ... موجود ولا هو بموجود بس مطمنه عليه
وهااااااااااااادئ هدوءه بعض الأحيـــــــان يخوفني
بس فيه شي دايم يضيع اغراضه
ويسألني عنها ... مثلاً جايب اغراض البارح مدري وين وداهم
جاني يقول يمـــه فيه أغراض انا جبتهم البارح وينهم ؟؟
طيب انت اللي ضيعتهم هههههههه
واكثر ما يضيع ويسأل عنه
نظـــــارته الطبيه
وقت الفزعااات حاظر وموجود ما يقصررر
فارس العرب :
ولدي الوحيـــــد اللي احبه يحكي ويسولف ااذا جلسنا
اذا سمعت سواليفه أحس ان الدنيا باقي بخير
بعض الأحيــــــان مع أني امه واكبر منه بكثيرررر
الا اني احس في بعض الأوقااات انه اكبــــــــر مني بالعقل طبعاً
الابتســــــــامه لا تفارق محياه دائماً كريم وفااضل وحكيم البيت
شخص متصفح :
هههههههههههههه
هذا الولد مو طبيعي بس يضحك كل ما قلت له شي يضحك
اقوله قم ودني عند خالتك بسلم عليها
يضحك كككككككككك طيب ... طيب يمـــــــه
طيب انا بفهم وش اللي يضحك بالسالفه
ضحكت البيت ووناااسته الله لا يخلينا منه
بس يحب يكشت بالثمامه كثيرر
علشاان كذا داييم يا غايب يا حاظر
اذا جاء من التخييم احس ان البيت عاادت له الضحكه
المصحــــــــح :
بكتب محاظره فيه ههههههههه
راااااااااااااااااااااااااااااااعـــــــــــي فزعااااااااات
يعني هو معي ما اخاف ابـــــداً
ولا أشيل هم كيف اتصرف يدبرها لو ما تتدبر
شجـــــاع ومقدام مع صغر سنه الا اني ارى فيه صفاات الرجل الحكيم
طالع على جـــــــــــده ابو ابوه
هو اللي يرحب بالضيوف ويقلطهم بالمجلس اذا قانون مو فيه
طمووووووح للغايه
عاااقل وحكيم وبنفس الوقت يضحك ويفرفش
يعني كل شي عنده له حقه
بس....
فيه شي
حاط دوبه بدوب اخته سبوت دائماً يتهاوشون
لا تسوين كذا ..لا تروحين عند فلانه
لا ما فيه
هههههههههههه
الله يهدي النفوس بينهم
وسبوت ما أحب احد يقولها شي
تعرفون بنت لحالها وماعندها خوات كلهم اخوانها اولاد
النـــــــــواق :
ولدي المنظم المثقف مرتب حياته دايم كل شي عنده بالملي
دقيق في امــــــــوره
عنده مبادئ واولويات مستحيــــــل يتخلى عنها
مطيع لي في اي شي حتى لو كان ما يوافق هواه ومزاجه
طبعا اكثر واحد من عيالي احترم رغباته وارأه
وما اقدر اقوله لا لانه دائماً صح ما عمره غلط
سبووووووووووووووووووووووت لايتـــ :
ياعالم ياااناااس بنتي الوحيده
واخـــــــــر العنقووود
دلوووعة امهــــــا متربيه طيوبه وحبوبه
بس تكثر على أمهــــــــا طلبات حبتين
وخصوصاً الساااعات
وبالتحديد رولكس ههههههههههه
دايم تجي تشكيلي من المصحح
تقول يمه طفشني
اقولها اخوك تحمليه يبي مصلحتك
اصبري عليه
بس اثنينهم اذا ما هم بالبيت امـــــــرض
خلصت من عيالي
الله يخليهم لي ويحفظهم يااارب
,,,,
نجي لأخـــــــــــواني
عندي 3 أخـــــــــوان
واحــــــــــد اكبر مني
واثنين اصغر مني
وبيجيكم العلم
ابوريــــــــان :
اخــــــوي الكبيــــــــر وعزوتي مالي بالدنيا أحــــــــد غيره
اشكيله همومي وخوفي على عيالي
دخلته علي هو وعياله بالدنيا كلها
وكله كوووم وريـــــان كووم ثاني
واخــــــــوه الثاني الصغنوون الله يخليهم له ويخليه لهم يااارب
وزوجته حبوبه وكريمة اخلاق وبنت ناااس
دايم ينصحني ويوجهني
واسمع منه واطلب نصيحته وكل كلامه صح دايم
يسأل عني دايم وعيالي اذا محتاااجين شي
معنااا في الفزعااات ما عمره تركنا لحالنا
ويزورنا دااايم
فهـــــــد:
>>>> ياويله بتسبه هههههههههههههه
هذا اخوي اللي اصغـــــــر مني
فهـــــــد اخــــــوي حبوب وطيب ما عليه خلاااف
بس تعرفون الأخوان اللي مع اهلهم دااايم بس اذا تزوج نسى اهله
هههههههههههه
هذا هو لاهي مع زوجته واهلها ومن حقه يعيش حياته ما قلت شي
بس يعز علي اشووف اخوي ما يســـــــأل عن عيااال أخته الا في المناسبات
دايم اذا شفته عند اهلي اهلييين عيووووووووش كيفك وكيف العيال
اقوله بخيرر هههههههه
بس انا متأكده في الشده انه معناااا
غرشــــوق :
هذا اخــــــــوي الثالث اصغرهم وش حليله طيب وفرفوش
ايييييييييييييييييييييييه يالدنيا
هذا كبر ولدي قانون كانوا
اصحـــــــــاب دايم يسولفون مع بعض وينكتون ويسمع ضحكهم اللي
باخر الشارع
كانت قهوة المغرب دااايم نفرش فرشتنا بالحوووش ونجلس
مع بعض وكان غرشووق دايم عندنا
بس الحين اشغلته الدنيااا مشاااغل
طبعاً مو متزوج وبنزوجه الصيف ان شاء الله
ويجيه سعوووووود ويلعب هو وريـــــــان مع بعض ان شاء الله
وكلكم معزومين على زواجه هههههههههه
الشـــــــــــامي :
هـــــذا عم عيالي كلهم اخــــو ابوهم الكبير
يزوره قاانون هو واخوانه دايم
نرجع له اذا فيه مشكله كبيره
الله لا يجيب المشاكل
حنوووووون على عيالي ويعتبرهم مثل عياله
مايقصر عنهم بشي
يروح معهم ويتوسط لهم ويشوف شغلاتهم وينصحهم
هو الخير والبركه وسبااااق بالخير دايم
ابــــــــو فهـــــــد:
هــــــــذا جارنا الباب بالباب مقابل لنا
دايم نشوفه في الصباح يطلع يشغل سيارته يروح للدواام
في صمـــــــــــت رهيييييييييب
طبعاً اذا تهاوشوا عيالي الله لا يفضحنا ادق عليه اقول الحق يا ابو فهد
العيال بيذبحون بعضهم
يفزع لنا والله
بس احس انه يقول الله لا يبلانا وش ذولي ههههههههه
يطق علينا ليلة العيــــــــد
يقول ام قانوون هاااااااه محتاجين شي تبون شي اجيبه لكم
لا تستحوون قولوا
اقوله الله يسلمك يارب والله خيرك سااابق وقانون مو مخلي علينا قاصر الحمد لله
كل عام وانت بخير
وانتي بخير مع السلامه
مع السلامه ......
جناااين :
حبيبتي قلبي وصديقتي الروح بالروح
كل اسراري يااااااا اسراري عندها اشكيها همومي
اكثر من اختي
تقابلني بصدر رحب حنونه دااااااايم
وتنصحني وتوجهني
احبها
حســــــااام :
صــــــــديق العائله من زمــــــــــان اللي كل العائلة تحبه وتبوح له باسرارها وتحب تجلس تسولف معه وكذا,,,,
جناان + فـــــــراوله :
اخواتي اجتمعنا على الحـــــــــب في الله
صــــــار بينا خلاف بسيييييييييط قد النمله مثل اي اخوات يختلفون ويرجعون يمزحون مع بعض
ويحبون بعضهم
والحمدلله القلوب صفت
ان كان اخطيت انا عليهم فياليت يسامحوني .. أما اذا كانوا اخطأوا في حقي فمسموحين دنيا وآخره
تقبلـــــــــوا ودي لكمــــــــ ... 
روح انثــــــــى :
هذي اختي بالبيت اصغر مني ذبلت كبدي منها ههههههههههههههههه
اتهاوش انا وهي دايم
ترفع ظغطي حبتين بس اسيطر على الموقف دايم
من نسيييييييييييييييييييت ........... فيه أحـــــــد نسيته
طبعاً هذا اللي هم دائماً حضورهم متواصل
علشاان كذا احس بوجودهم معي وقربهم لي
عيــــــــــالي أحبكم دائمــــــاً .... الله يخليكم لي ولا يحرمني طلتكم ان شاء الله
أمـــــــــــــكم تفخر بكـــــــــــــم دائمـــــــاً
أخــــــــــواني ياعـــــــــزي في الشدايد ....
عائلة المؤشـــــــــــــــر ....
أحبــــــــــــــــــكم في الله
تقبلوا تقديري :
أمــــ قااانــــــــــون
ملاحظه :
اللي نسيته موجود بالقلب ماينساه
>>> وهي تكتب تحس بالجـــــــو العائلي |
|
التعديل الأخير تم بواسطة عايشه بصمت ; 10-24-2007 الساعة 10:19 PM.
سبب آخر: بداية خيــــــــــر :)
|
|
|  |