 عيشت ضنك !!!!!
ياربي جارت الدنيا وعشت الضيم والتهويل
تعبت اساير الدنيا واجاملها وامالحها
ياربي داخلي ضيقه وهم بي يهد الحيل
واحس ان الضلوع العوج ماتقدر تكافحها
بلا في داخلي مافسره دكتور او تحليل
تقول انه يطلع روحي ويبدا يشرحها
يضيق الكون في عيني ليا من جاء حلول الليل
واشوف ان الجهات الاربعه ضاقت بوارحها
ليا مني ذكرت اللي مضى مابين حط وشيل
كرهت الحظ والدنيا حلفت اني ما أسامحها
وقفت قبال نكبات الليالي والشقى والويل
ولا خبيت راسي يوم تلفحني لوافحها
اشيل من الحمول اللي على متني تزيد الكيل
اخاف من العواذل لاترى شيء يفرحها
وانا واللي خلقنا وانزل التوراة والانجيل
تعبت وكل همي توبة لله من صحها
اشوف الناس ماترحم وحكي القال زاد القيل
تعيش وكل ماتهتم له دايم مصالحها
وانا كني معاكس دورة الدنيا وسير الجيل
جداي اكتم معاناتي ولاني قادر اشرحها
قسم بالله مايذبح قوي الباس والحلحيل
سوا عيشه ضنك صكت على صدره مكابحها
ياربي والله اني صنت نفسي عن دروب الميل
واذا زليت نورني وكل زلاتي ادمحها
طلبتك تفرج لعبدً يضيق ولابقابه حيل
ولايبغى من الدنيا سوا توبه وتنصحها
فهد الديحاني
|