طفل ضايع . .

TARGET · 05-25-2007, 05:08 AM

وصلتني هذه الرائعة وابيت الا اشارككم معي في قرائتها ..................

طفل ضايع . .
على خده ملامح شايب مكسور . . !!
[ ضناه الهم ] و [اغراه الزمان ] و [مات بيديني ]
اشوف مرايته سودا . .
ولعابه حطام قبور
وبيته . . غرفه من طين
وأقلامه . . سكاكيني !!
دفنته . . وانتهت . .
قصة غرام . . وشاعر مغرور . . !!
واخذت من الدموع اكتب . .
مكانه وين من عيني ؟!
لقيته في مناديلي . .
يصيح ويشعل التنور . .
يقوول ارجوك ياتوتي. .
تلملم غربة سنيني !!
يقول صبري البارح تمادى حده المسعور . .
وانا من ذقت غرباله . .
طرالي بيت يبكيني . .
[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شارييني ] . .
بكيت . .
وقال :
يا ابن ادم انا الميت . . انا المقبور
علامك كل ماجيت . . تزيد من القهر فيني ؟؟
وقلت :
الناس يا ابن ادم . .
تجيلك كل يوم بدور . .
تجي في الصبح تفرحني . . واذا طابت تبكيني . .
اشووف الهم يسرقني . . واثاري همنا مقدور . .
مدام الليل مايدري . . علام الويل يشقيني . . ؟!
ومدام الصبح يسرقني . . تعال اكشف المستور . .
حكايه من غرابتها . . بدون شعور تطريني . . !!
" مدينه " . .
سورها ضايع . .
و " شارع " . .
شاعره مبتور . .
و "حديقه " . .
في مراجحها نبت . . ورد وشياطيني
و " دفتر " . .
مله الشاعر . . رسم فيه [ الغرام قصور ] . .
و " قصيده " . .
من جرائتتها . . تقول العن عناويني !!
و " بيت " . .
باخر الشارع يمينه . . شارع مشهور . .
يساره . . شارع اغبر عليه ابكي دواويني . .
ومره في لياليها لقيت . . اني بدون شعور . .
بديت احب لي طفله . . على الاوراق تغريني . . !
بديت ارسم ملامحها . .
ليالي حظها المأسور . .
وبدا طيش السهر ليله . .
بدون احساس يسقيني !!
وبدا يشرح معاناته . . وانا [ من داخلي مقهور ] . .
وبديت اشرح معاناتي. . وهو مثلي يواسيني . .
كبرت وشفتها تكبر. . حقيقه تنتمي لسطور . .
مابين احساس " يوصلني " . .
الين احساس " يخفيني " . .
شعرته ليلة ظلما . .
لقيته غادتي والنور . .
ذخرته في مكاتيبي . .وجنيته حب يحييني. .
. . [ أحبه ] . .
كثر مامرت من ايام الغرام دهور . .
. . [ أحبه ] . .
كثر ماتمطر سحابة في بساتيني . .
. . [ أحبه ] . .
كثر مامرت ثواني حبنا بشهوور . .
. . [ أحبه ] . .
كثر ماتطري ذنوبه في موازيني . .
. . [ أحبه ] . .
كثر ماطار الحمام وغرد العصفور . .
. . [ أحبه ] . .
كثر ماحرفي سال من حيرته ويني . .
. . [ أحبه ] . .
كثر ما ازعل من ايام الجفا واثور . .
. . [ أحبه ] . .
كثر مايسري خياله في مياديني
نبتله بالخفى ورده . . سقتها دمعتي بسرور . .
قطفها . . " بس بالقوه " . .
وانا مذهول وش فيني . .!!
حسبته يوم قطفها . .
يقوم يقول لي : مشكور . . !!
ولكن راح من عندي . .
وانا الاحزان ترويني
دخيلك . .
ليه تجرحني . . ؟!
وانا ارسمك لشذاي زهور . . !!
دخيلك . .
ليه في بحرك بدون شرااع تنسيني . . !؟
دخيلك . .
ليه وباقي سوى اني ابتعد مجبوور ؟!
اخاف اكون في بالك . .
مجرد [ شعر يعنيني ] . . !!
بكت كل الطرق بعده . .
بكت واستاذنت بالجور . .
وبديت ألملم اوراقي . . وأردد
. . [ مايخليني ] . .
لقيت ان الطفل ميت . . !!
وانا في حيرتي منثور . .
مابين . . اسال على حالك . .
وبين . . الله يشافيني . .
دفنت الطفل في صدري . .
بكيت وقلت له " معذوووور " . .
مدام الهم في قلبي . .
نمى واجتاح من حيني . .
ولكن خل في بالك . . / . .
مدام ان الحكي محظور
مدامك شفتني ابكي . .
ترى هالبيت يبكيني . .
[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شارييني ] . .

TARGET · 05-26-2007, 03:05 AM

UP

للاطلاع

جنااان · 05-26-2007, 03:34 AM

اوووه .. لا لا

وش ذا يا ربيييه.. ابداع .. روعه..

معليش العتب عالنظر .. يا ابني

<<< بتصلح لها نظارة

تسلم الايادي اللي خطت ..يا مدير

ابولينا · 05-26-2007, 11:26 AM

حسبته يوم قطفها . .
يقوم يقول لي : مشكور . . !!
ولكن راح من عندي . .
وانا الاحزان ترويني

صح لسانك

TARGET · 05-26-2007, 11:38 AM

نيرااااان يسلمك ربي هذا بعض مما عندكم

ابو لينا صح بدنك وتسلم على المرور يا الغالي

مدري شلون طاف عليكم ذا الموضوع مع انني منتقيه بعنايه فائقه لكم

فارس العرب · 05-26-2007, 12:59 PM

لقيت ان الطفل ميت . . !!
وانا في حيرتي منثور . .
مابين . . اسال على حالك . .
وبين . . الله يشافيني .
صح لسانك مبدع وفي قمة الابداع فعلان ما اقول غير فالك المليون يا اخوي تارقيت وما فيك حيله

TARGET · 05-26-2007, 01:00 PM

صرت تارجت بن فطيس

وصح بدنك اخوي فارس

وفالك الجنه ان شاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري