 |  |
| | |
 |
|
<
 |  |  |  |  |  |  |  |  |  |
 |  |  |  |  |  |  |  |  |  |
تنبيه إداري هام: أي توصية ليست مدعومة بتحليل أو أسباب سيتم حذفها فوراً.
I الأسهم السعودية I الأخبار الاقتصادية I التحليل الفني I الفوركس I العقاروالإستثمار I وظائف I الأسهم الخليجية I الأسهم العربية I دليل الأسهم I
| جديد المواضيع: | |
| |||||||
| التسجيل | التعليمـــات | قائمة الأعضاء | التقويم | اجعل كافة الأقسام مقروءة |
| استراحة المساهمين طرح ومناقشة المواضيع العامة وجميع المستجدات والأحداث والتى تحمل الفائدة .المنتدي العام - مواضيع عامة - |
 |
| | LinkBack | أدوات الموضوع | انواع عرض الموضوع |
12-06-2006, 05:42 PM
| #1 |
| عضو فعال  |  محاورة حلوة بين العريس والعزوبي محاورة حلوة بين العريس والعزوبي -------------------------------------------------------------------------------- العزوبي قال العزوبي يوم شـاف المعاريـس *** الرابـح اللـي لاقعـد مايقـومـي أول سنـة كـلٍ يبـث الاحاسيـس *** وثاني سنة تجلب عليـك الهمومـي وثالث سنة حط الرمـل والمتاريـس *** لابد مـن حـربٍ تقـوم وتدومـي لامن دخلـت الـدار لاكنهـا بليـس *** متلفلـفٍ فـي غاليـات الهدومـي تأخذ من المخباة وتسحب من الكيس *** وتغيـر الموديـل شـيٍ لـزومـي وان قلت ما أملك يامره لوهو فليس *** قالـت تديّـن لا تكـثـر بلـومـي ولاجيت مرة نـاويٍ لـك ب....... *** قالت تصّبـر خـل قلبـك رحومـي ليتك تساعدنـي تصحـح كراريـس *** زادوا علينا أربع حصص في العلومي أزوارة في العصر والصبح تدريـس *** والليـل تصحيـحٍ وودي أنـومـي تبكي إذا جاها وجع لوهـو ضريـس *** وتقول أبي دكتـور ماهـو حكومـي يروح عمرك بين عرسٍ وتأسيـس *** واربـع سنيـن والبزاريـن كومـي وسط المطابخ بين قـز ومحاميـس *** هـذا صحـن رزٍ وهـذاك ثـومـي والا خلصـت إمنظـفٍ الملالـيـس *** جتك تقول انهـج نبـي زود لومـي ولا جبت قالت اكنس الحوش تكنيس *** خل البلاط يصيـر مثـل النجومـي ومكرسٍ جهدك من الخوف تكريـس *** وان نادتك بالصوت اقبلـت مومـي يجيك تـال الليـل دايـم كوابيـس *** ويشيبنـك مزعـجـات الحلـومـي هذي حياة اللي ركض باغـي...... *** ضيع حيـاة أول وصـار محرومـي تعيش يالمعـرس حيـاة المحابيـس *** وشف العزوبي بكل شارع يحومـي من مفرق جلاجل إلى جوي للخيـس *** وان حار حايرهم بوسطـه يعومـي يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي شف العزوبي مايعـرف الهواجيـس *** ولا يـودي حرمتـه كـل يـومـي يا عنك ماحاش الفخـر والنواميـس *** الا عزوبـيٍ يـعـرف السلـومـي اذا اعرس المعرس غدا عندنا هيس *** ونزيل اسمه مـن سجـل القرومـي والى بغيـت البهذلـة والدحاويـس *** فأعرس وخلك من عـداد الرخومـي وش صابكم من عرسكم يا المفاليس *** وش استفدتوا غيـر دق الخشومـي اللي تزوج أشهد انـه غـدا تعيـس *** والرابح اللـي ماخـذٍ لـه.......... ترى عناق العام نطت على التيـس *** والحرعقب العـرس يصيـر بومـي قال العريس قال العريس أنا الذي في سـعاده ××× ماني عــزوبــي ضايق الصدر مهموم مبسوط من مثلي قعـد عنــد غاده ××× مهوب مثـل اللي لحاله تقل بـــوم في كل لــيله حاضنٍ لـه وسـاده ××× وانا مـع المـزيون في غـرفة النوم أنا اشهد انه عايـشٍ في قــراده ××× يروح عــمــره مـا تهنى ولايوم الى دخــل للبيت يبلش بــزاده ××× يقعد يقــطّـع له طمــاطٍ معه ثوم ولا قضى عقب العصـر من عداده ××× والـحوض من كثر المواعين مزحوم والى غسلهن ثم فـك الســـداده ××× دلى يغســل له سـراويل وهــدوم وان ماطــبخ روّح لمطعـم حمـاده ××× والا قـعد في منزله واعـلن الصوم وان جاه ضيفٍ باغيٍ لـه رفـاده ××× يـروح يشــري رز وايـدام ولحوم ما يعرف الشمبو وراسـه عــراده ××× وشــمغه من الكواي ملـيانه رقوم ما يكنس الفرشــه ويلقط بــداده ××× اما بقـايا رز او خــبز معــروم عنده صراصيرٍ بحـاجه ابــاده ××× تسـرح وتمرح في الغرف دايم الدوم يجمع قروشه ويتســـلف زيـاده ××× حتى يسافر مصـر او ديرة الروم او راح يم التاي وتـــرك بـلاده ××× ناظر جـوازه ممـتلي كله ختوم دايم يسافر ما يعـرف العــباده ××× يسكر وينكر و........ بالكـوم وإلى رجع يـروح يـم العــياده ××× حيث ان فـيده مـن فعايله مزكوم وإلى قعد مارس مع .......عاده ××× حيثه مسيكينٍ مـن العرس محـروم له موتر خرده كثير فســـاده ××× في كل يـومٍ في الاشارات مصـدوم غمارته تقول ورشــة حـــداده ××× ومريقـده في شـنطته دوم محزوم دوم يتنقل تقــل كنه جــراده ××× في كـل يومٍ نازل له على قــــوم يسهر والى قام الظهر من رقـاده ××× روّح على شغله والى اليوم مخصـوم يذي بنات الناس يبغي مـراده ××× في كل يومٍ زاهمٍ له على ( هـــوم ) اراه مايعـرس ويقـدح زنـاده ××× يترك بـنات الناس ويصير معصوم يلقى هنوفٍ تخـدمه مثـل داده ××× ويصــير رجّالٍ ويسلم من اللوم يفرح الى من قرب وقت الولاده ××× ويصير معنى العرس بالحيل مفهوم يشوف أولاده ومعهم شهـــاده ××× قبل الـوفاة وقولة الناس مرحــوم 00000000000000000000000000منقول0000000000000000000 0000000000 |
|
| |
 |
|
12-06-2006, 06:27 PM
| #2 |
| عضو ذهبي | بارك الله فيك اخو النمر الاخضر: الحقيقة ممتازة جدأجدأ وخاصة القصيدة الاولى: الله يعطيك العافية على النقل المميز: |
|
| |
| |
|
12-06-2006, 08:48 PM
| #3 |
| عضو جديد | تسلم الشاعر |
|
| |
| |
|
12-06-2006, 11:10 PM
| #4 |
| Banned | بارك الله فييك و ماقصرت وجزاك الله خيررررررررررر |
|
| |
| |
|
12-08-2006, 01:21 AM
| #5 |
| عضو ذهبي | مشـكور على النقـل اختيار موفق |
|
| |
| |
|
12-11-2006, 09:42 PM
| #6 |
| ][][مشرف إداري][][ (ملك المصادر) | يا عنك ماحاش الفخـر والنواميـس *** الا عزوبـيٍ يـعـرف السلـومـي وش خليت وش بقيت اضم صوتي وبشده للشاعر الاول اما الثاني خل تنفعه غاده كككككككككككككك |
|
| |
| |
|
12-12-2006, 02:46 PM
| #7 |
| عضو ذهبي | صح لسانك يالشاعر تسلم اخوي النمر ابو سعود يعني ماتبي غاده العالم الله انك ودك بالفئه الثانيه بس المحفظه ماتساعد ولا الاسواق بتساعد عشان تجيبلك بنت النور |
|
| |
| |
|
12-12-2006, 03:11 PM
| #8 |
| ][][مشرف إداري][][ | يعطيك العافيه قصيده جدا حلوه ونقله واحلي مشكور اخو النمر |
|
| |
| |
|
12-20-2006, 01:26 PM
| #9 | |
| ][][مشرف إداري][][ (ملك المصادر) | اقتباس:
والله ياوخيه اني ولله الحمد مقتدر والوالد ناشب بلغاليغي يقول تزوج وكل التكاليف علي بس انا لسى زغنطوط ههههه امحق زغنطوط ماحلى الحياة بدون سحلية تزعجك بسوالف الكلية ماتبغى ملابس محلية والميني جوب ماركة فرنسية ما حل الحياة بدون سحلية الا يادكتورة ماتخبريلي بنية عيونها زرقاوية واطراف الظفاير بنية وقتها يجي للزواج نية | |
|
| ||
| |
|
| أدوات الموضوع | |
| انواع عرض الموضوع | |
| |
|
العرض العادي
