تــوصــيـــة لــكــل متــداولي ســوق الاســهـــم السعـــودي

السوق هاليومين مستقر لحد مطمئن ..وأعطى علامات دخول قوية لبعض الشركات .....لاكن فيه شي حاب أقوله لكم وإلي هو إن قليل وقليل جدا تلاقي شركة تجيب نسبتين ورى بعض ...وإن صارت فأنا متأكد بإنها فاجأت الجميع ((المكيرش_نادك_سدافكو)) هالثلاث شركات كانو خارج نطاق التوصيات حتى لحظة الانطلاق

والشركات إلي الكل يوصي عليها ويقول إنها بتدبل أو بتجيب نسبة تلاقيها ماتتحرك لألحين إلا بمدى ريالين إلى ه ريالات ....تسألوني ليه أقولكم إن الشركة إلي مضاربها ناوي يرفعها 5 أو 6 نسبة ...مهو لمصلحته إنه يعلمك ..مهو لانك خايف تاخذ منه 100 او 200 سهم لا لانه خايف إن هامور يوازيه بالقوة المادية يسمع هالتوصية عن طريقك ويبدأ ينافسه ع الاسهم

لذا أنا ملاحظ إن الشركات إلي ماعليها اي توصية هي قنابل موقوتة ممكن باي لحظة تصدم الجميع بسعر ممكن يدبل فلوسك بعد ماتعوض خسايرك كمان

أتمنى من الجميع الركادة والنظر لكامل شركات السوق بإستثناء المحرمة ...والتركيز والدراسة الذاتية منك إنت شخصيا لسهم إلي إنت راح تخشه ....لازم أخي المتداول يكون لك وجهة نظر بخصوص اي شركة تخشها ...ولازم تحدد نقطة دخول ونقطة خروج قبل لاتشتري بالشركة ...ولابد تكون عندك سيولة تسمى ((سيولة طوارئ)) تحسبا لأي هبوط لحظي ممكن يحدث باي لحظة ...وسيولة بعيدة المدى إن إستمر هالهبوط عشان تعدل من القاع وتطلع بنص المشوار

أخي المتداول والمساهم في عالم الاسهم ....أسواق المال أسواق مفاجأت والشركة إلي اليوم محد يبيها تلاقي نفسك بكرة تتمنى تاخذ منها كم سهم على النسبة فوق !!!!

لذا لازم تكون لك خططك التكتيكية والاستراتيجية وموارد وعمليات إنقاذ طارئة وعمليات هروب سريعة ...بالعربي لازم تكون حذر ومفتح عيونك وصاحب قرار فيما يخص إدارة أموالك

أتمنى تكون الرسالة وصلت للكل