فــهـد

.




.




.إعلان بخصوص تعديل وحدة التغير في أسعار الأسهم
2006-01-29 18:35:20



تعلن إدارة تداول أنه نظراً لارتفاع أسعار كثير من أسهم الشركات المتداولة في السوق عما كانت عليه سابقاً، وحيث أن وحدة تغير السعر المطبقة حالياً هي (25هللة). فقد تقرر، بعد موافقة مجلس هيئة السوق المالية،

تعديل وحدة تغير السعر في السوق لتكون ريالاً واحداً. وسيتم بدء العمل بذلك اعتباراً من يوم السبت 5 محرم 1427 هـ الموافق 4 فبراير 2006م.

essam

اخي فهد يالغلي
رحم الله امك وابيك وجدانك
على المعلومة

أبـوفهـد

شكرا فهدنا الغالي

ومشكور على متابعتك المميزه واخبارك الجديدة دائما

وفقك الله

فــهـد

وياك اخوي essam

بس انا ما فهمت وش سبب هالقرار

ووين المصلحه فيه يعني ما يبون فراطه مثل البقالات هههههه

انا اشهد انها هيئة سوق( خضار)

على العموم انا في نظري ان التجزئه قريبه ما دام قراراتهم بالسرعه هذي
-------------------------------------------------------------------------------------
الله يوفق كل مسلم

عربجي أسهم

القرار غريب عجيب ولكن الوصول للاهداف سيكون اسرع (( والهبوط دائماً أسرع ))

ولكنها ضربة للهوامير امثال مضارب اللجين ، والجماعي والتعمير سابقاً اللي كان يرفع ربع ونص ريال ويجني ارباحه ويسوي تصحيح لحاله

يعني يا يرفع السهم يا ينطق

فــهـد

اود التذكير

انتبهوا لا تنسون

بداية من غدا السبت

لا تتعاملون بكسور الريالات (بدون هلل)

لان الاوامر اللي فيها كسور الريال ستلغى
---------------------------------------------------
الله يوفق كل مسلم

essam

اخي فهد ياغالي
انغثو بالهلل
بعد ماسد حلقهم
الله يعينا
خضار كامبني .25.50.75 وداعاً
والريال يا لنا ياعلينا
-1 +1
الله يعين الجميع

أبـوفهـد

نترقب اليوم ونشوف

وما ادري وش راح يكون تأثير هالقرار سلبي او إيجابي!

abu_aseel123

عندي اسهم في اتحاد الاتصالات وابغى اعرف ابيع والا لأ

فــهـد

اولا : شرفتنا بانضمامك اخوي abu_aseel123

ثانيا : اتحاد في بدايه الترند الصاعد تبيع ليش

ثالثا : الهدف الاول باذن الله (نقلا عن عربجي اسهم) 1000 ريال

والموضوع تجده بالتفصيل عن اتحاد في منتدى الاسهم بعنوان (اكثر من 270 ريال .....)

في الختام اتمنى اني افدتك يالغالي
واي اسئله تحت امرك حاضرين وانا اخوك
-------------------------------------------------
الله يوفق كل مسلم