ناسٍ تقــيس الرجــاجـيل في كثرة المــــال
فمـن تعلا رصـــيده اعتلا ولو هـو سلبـها
وناسٍ هي تازن الرجّــال فشــماغ وعــقال
ولو هو رديٍ يصـــبح الخــيّر ليا ســـكبها
وناسٍ تعـــد المرجـــله في وزن الاقــــوال
فمـن وزن هرجـه لهم زان ولو هو كذبـها
وناسٍ تشوفه في النسب ما بين عمٍ وخال
فان بان عـرقه لهم شــاخ ولو هـو ذنبــها
والصحيح ان الرجال هم في حجــم الافعال
لان الرجـــال افعـــال وكلٍ بفعـــله كســبها
والفعــل هو موقف حــكم على كل رجّـــال
ان مـا علئ به العـــين ولا نـزل من هـدبها
والمواقف هي على ما قـيل تصـنع ابطــال
ومعــدن الرجّــال فعــله وله فعــله نســبها
وش فـرق الطيّب الشـهم وانجــاس انـذال
غـير المواقف بافـعالها والموقف عصـــبها
واما المظــاهر هي كمـا اللي كــال مكـيال
وبنظرةٍ له قـدر القيـمه وبجــهله حســـبها
ومن يجــهل الحســبه يخدع بميزان حيّال
يزيد المــوازين وينقصـــها ووزنه نكبــها
والوقت يظـــهر حـــقايق لو كذبها طــــال
ويفرز رخـيص نحــاسها عن غالي ذهـبها
وياكثـر ناسٍ ترتســـــم فاقــوال واشـــكال
وعلومها لصـورها ابعـد من الصــين لأبها
وعلومـــها ما تدرك الا بعـــد ذيك الليـــال
اللي تهز نجــومها رياحـها وتجلي سحـبها
وتظهر تعابير الصــوره بصــدق الخــصال
في نهارٍ اشــرقت شـمسه بواضــح حــدبها
وما دام هــو يكفي من الدلـه كيف فنجـــال
يكفي من الرجّــــال موقف كـفي من رقــبها
والهـــرج ما زل قــوله والشـــواهد امــثال
فالعــين تشـهد والقــلم بما شــافت كتـــبها

******************

صح لسان قايلها
للأمانه منقول للفائدة