كل مؤشرات السوق ايجابية الا مؤشر واحد

نمو أرباح ممتاز
مكرر ربحية منخفض
أسعار نفط خيالية
مشاريع تنموية تشارك فيها معظم الشركات
مؤشرات نمو نحسد عليها
تنوع استثمارات
الرجل المشنوق سامحوه وقالوا روح بيتك ولا تعودها
الماكد مبسوط ومتسلطن
ال ار اس اي وده واحد يدفه ويناقز لفوق
الشموع الصينية اوالتيوانية وقفنا استيرادها وحولنا على الشموع اليابنية
الكوب وشربناه والعروة وركبنا لها زر
لكن موشرر هيئة سوق المال لابد من تغيره بدماء جديدة ترى الشياب الى مصبغين شواربهم مهم قادرين يفهمون السوق ومهم قادرين يتابعوا التطورات مع أقل من 80 شركة كيف لوصار العدد 200 أظن كل يوم يطلع علينا قرار شنق (ايقاف مضاربين)
ودنا في شباب يديروا السوق قادرين على استيعاب السيولة والتلاعب المزعوم وتحويله لصالح السوق
محنا محتاجين قرارات قراقوشية لاثبات الوجود (أنا أهدم أنا أخرب بيوت اذا أنا موجود)
الهيئة سوت سواة واحد بيته جنب نهر وفي كل سنة يفيض النهر راح الرجال نقل بيته في الصحراء ومات من العطش وكان المفروض يحول مجرى النهر
الخلاصة نحتاج الى دماء خضراء يانعة تتفهم احتياجات السوق وتعدل مساره لا أن تعسفه وتكسر أطرافه
زمان العسف مضى فسوقنا لم يعد سوق صغير يستجيب للعسف