المرجــله عقــلٍ وزن وزنه جـبـــــال ***ودون العقل وش فرقنا والبهايم

السوبر شف

إذا الــمـراجل لبســة شمــاغ وعقـــال***قل للــعذارى يلبسـن العـمــايم

ما عـــاد يـفــرق زول حـــرمه ورجال ***دام الفعايل تشبه البعض دايم

المــرجله مــا هـيـب كـلمــه وتـنـقــال ***وتروح ما راحت هبوب النسايم

وإلا خشــونة صــوت أو رفــع الأثقال ***أو رزة صــدور وفعل الزلايــم

ولا هي بعــد مــفتاح مــوتر وجــــوال ***وإلا ردى لسانن حديثه شتايــم

المرجـــله شيمــه عن القـيل والـقـال ***رفيع نفس (ن) حر بالجو حايم

المرجــله عقــلٍ وزن وزنه جـبـــــال ***ودون العقل وش فرقنا والبهايم

يا مسندي لو مايل الوقــت بي مـــال ***يا ولد أبويــه يا عظيــم العزايــم

يا معرب الجدين من العــم والخــال ***يا نخوة المفزوع وقــت الهزايــم

المرجله يا خوي هي طــولـة الـبال ***هي العــزم هي الصبر فالظـــلايم

فيــها الكـرم عـــزه دلــه وفــنــجال ***فيها الكرامه عن ردى الطبع شايم

والـدين لامنه خــذا القـلـب منــزال ***مشــى طريــق الحــق وابليس نايم

ومن لا عرف ربه في طيب الحـال ***لابد وقـــت الضيـــق بالــهــم هــايم

حتى صلاتك مع جماعات ورجــال ***في خيرهــا يا خوي نعـــم الغنــايــم

ولامن نصف ليلك قم صفي البــال ***يا عظــم أجرك بين ساجـــد وقايــم

ولا من رفع ربي له كل الأعــمال ***حسن الذكر لا قالــوا فــلان صايــم

وخلك شريف القصد يا طيب الفال ***سوء المقاصــد فالبيــوت الهـدايـم

واحذر تبيع النفس في دب الأنذال ***وتتبـع خــوي إبليس راع النمــايــم

النــفس خــيل لك إذا كـنـت خـــيّال ***ومن لا قوى نفســه قوتــه الهزايم

ولا صرت ما تدري لو يش أنت رجال***والله خســارة فيـك ذبح التمايــم

الجوهرة

صح لسان الشاعر

ابولينا

صح لسان الشاعر وشكرنا على القصيده

فــهـد

يعطيك العافيه اخوي


السوبر شف


لكن

اشوف ما نسبتها لاحد


حتى ما نسبتها لنفسك


ارجوا نسبتها لكاتبها ( امر الشعر يهمني )


مشكور يالغالي

---------------------------------
الله يوفق كل مسلم

أبـــوأحـــمـــد%

صح لسانك
ويعطيك العافية

اللورد

صح لسان قايلها

يعطيك العافية سوبر شف