abuffaisal

هذي قصيدة للشاعر محمد فراج السهلي موجهة الى من تسبح في فلكه كل الثقافات الى شاعر تصويت الشعراء الى الشموع في دروب الشعر والادب الى فرعون الشعر ناصر الفراعنة ابو فارس .

ياناصر الموضوع من دون تطويل ماشى غير الموت في الكون مضمون
نزرع ونحصد مازرعنا محاصيل ونعيش في جزء من اجزاء ذا الكون
اظن واضح مايبي البيت تحليل جر الربابة غير دان دن دون
من اول الدعوات والكيل بالكيل وانا اتقلب لى على ضفة ظنون
اشوفك لحالك على موجة السيل لك هيبتن وقف لها حاضر الجون
وصفق لك العالم من النيل للنيل وشهد لك العالم على الشعر فرعون
وفي شاعر المليون شاهدت تظليل للشعر واهل الشعر واللي يشوفون
يا شاعر المليون من دون تقليل الزين ما يكمل لو قيل مزيون
ماجاك ناصر يمتطي صهوة الخيل وهو يفكر كيف يجمع له مليون
جاك بشعر تفوح به ريحة الهيل وجاك بفكر معه ثقافات وفنون
وجاك وعيونه يمه البيرق تخيل بيشيل له بيرق ويعمي له عيون
يا ناصر اللي صار ماهد بك حيل ولا هز بك شعره ولا حرك متون
حرام ما مثلك على الشعر الاصيل فارس يابو فارس ولا السامع يهون
هذي قصيده عرضت باخر الليل كتبتها في ليلتن ما لها لون

عايشه بصمت

فارس العرب

الله يعطيك العافية

الصاعقة

الله يعطيك العافية