قصيدة فقير يخطب بنت عمه الغني‏

الصاعقة · 03-26-2008, 09:17 AM

شاب فقير خطب بنت عمه المليونير

وزود عمه طلباته عليه فقال قصيدة

وانا انقل لكم القصيده:

1- سبحان من يرزق بتوع الملاييـن

الرازق اللي ما يخيب الرجـا بـه-

2- لي عم عنده معـرضٍ للصواليـن

أموت واعرف بس من وين جابـه -

3- وإذا سألته قـال بعـت الدكاكيـن

ما يدري إني ما هضمت الإجابـه -

4- الشاهد إني رحت له قبـل يوميـن

في قصره العامـر ودقيـت بابـه -

5- قال ارحب ارحب عدّ ورد البساتين

يا مرحبا باللـي لفـا يـا هلابـه -

6- قلت البقا عـدّ النفـل والرياحيـن

يا شيخ شمل اهل الكرم والذرابـه-

7- قال اسلم الله يحفظك لي من العين

وآمر أوامر حضرتـك مستجابـه -

8- قلت الصراحة طالبٍ قرب غاليـن

ودي تزوجنـي كريمتـك يـابـه-

9- ثنّى وقال اهليـن والله وسهليـن

والكون ترخص لجل عينك رقابـه -

10- لكن ترا عندي شـروط وقوانيـن

قلت اشرط اشرط يا حبيب الغلابـه -

11- قال أولاً مهر العروسـة ثمانيـن

غير الرسوم وغير حق العصابـه -

12- والثانية عمك يبي منـك سبعيـن

رسم الأبـوّة والنسـب والقرابـه-

13- وام العروسة حقها منـك ستيـن

عشانها ست الحسـن والمهابـه -

14- واخوانها كلن يبي منـك خمسيـن

عداً ونقـداً تنـدرج فـي حسابـه-

15- وخواتها الخمس اعطهن من ثلاثين

عشان تتوثـق عـروق النسابـه -

16- وتجيب طقم عيار واحد وعشريـن

وخاتم من الماس المصفى ترابـه-

17- واكياس متروسة كعوب وفساتيـن

ألوانهـا واشكالهـا مـا تشابـه -

18- وموتر بسواقـه وفيـلا بدوريـن

أثاثهـا مـن بطرتـه ينحكـابـه -

19- واحجز لنا قاعة بقصر السلاطيـن

واحجز بهـا رقاصتيـن وربابـه -

20- وامنع دخول اهل اللحى والبزارين

واعزم أميـر المنطقـة بالنيابـه -

21- هذي الشروط اللي على بالي الحين

وذكرني اللي ما حسبنـا حسابـه -

22- قلت اذكر الله يا عـدو المساكيـن

واستغفـره لا يبتلـيـك بعـذابـه -

23- الظاهر إنك منت عارف أنا ميـن

أنا لو ارقا فـوق متـن السحابـه -

24- ما جبت حتى نص درزن مواعيـن

واضحك بكيفك واعتبرهـا دعابـه-

25- شروطكم هذي شـروط المجانيـن

شروطكم شغـل ابتـزاز ونهابـه -

26- شروطكم تقصم ظهـور البعاريـن

شروطكـم همّـن وغـم وكآبـه -

27- شروطكم والله سيوف وسكاكيـن

تذبح بنات المجتمع مـع شبابـه -

28- وين الرضا والعطف واليسر واللين

اللي ذكرهـا الله بمحكـم كتابـه-

29- وين الصفات اللي أمرنا بها الديـن

وين اختفى نهج النبي والصحابـه -

30- يا عم جعل اللي خلقنا من الطيـن

يرد عقلك مـن خطـاه لصوابـه -

31- ويجعل نصيبي عند غيرك قل آمين

ويحسن عزا الصابر ويجزل ثوابه -

32- قال انت لو فكرت تفكير صاحيـن

ما شفت في مجمل شروطي غرابه -

33- حنا بعصـر العولمـة والمزاييـن

ماهوب عصر الفلسفة والخطابـه -

34- الناس تسعى للرتـب والنياشيـن

وانت اهتمامك بالشعـر والكتابـه-

35- والشعر ما ينفعك لو هو دواويـن

ما دام جيبك مثـل بيـت الخرابـه -

36- يا بوك لا تسمع كلام المصاخيـن

واسأل مجرب عاش في وسط غابه -

37- قلت الله اكبر يا محـرر فلسطيـن

من يسمعك يحسبك ذيـب الذيابـه-

38- تراك شايب راس مالـك رياليـن

والبنت ما تسوى جنـاح الذبابـه -

39- قال انقلع مالت على وجهك الشين

لا عاد اشوفـك عندنـا يالزلابـه -

40- قلت ابشر ابشر لكن الباب من وين

واقفيت من عنده على صوت بابـه-

عايشه بصمت · 03-26-2008, 10:35 AM

اقتباس:

المشاركة الأصلية كتبت بواسطة الصاعقة [عزيزي الزائر يتوجب عليك التسجيل للمشاهدة الرابطللتسجيل اضغط هنا]

11- قال أولاً مهر العروسـة ثمانيـن

غير الرسوم وغير حق العصابـه -

12- والثانية عمك يبي منـك سبعيـن

رسم الأبـوّة والنسـب والقرابـه-

13- وام العروسة حقها منـك ستيـن

عشانها ست الحسـن والمهابـه -

14- واخوانها كلن يبي منـك خمسيـن

عداً ونقـداً تنـدرج فـي حسابـه-

15- وخواتها الخمس اعطهن من ثلاثين

عشان تتوثـق عـروق النسابـه -

-

في هــ الأبيــااات بصراحه شكيتـــ أنه بيتزوجهم كلهم
بيتزوج البنيه والأب والأخوان والأم والخواات

هههههههههههههههه

عليه قل صح ذا الشايبــ

اقتباس:

المشاركة الأصلية كتبت بواسطة الصاعقة [عزيزي الزائر يتوجب عليك التسجيل للمشاهدة الرابطللتسجيل اضغط هنا]

20- وامنع دخول اهل اللحى والبزارين

-

وش يقصد ذا الشــاايبـــ !!

اقتباس:

المشاركة الأصلية كتبت بواسطة الصاعقة [عزيزي الزائر يتوجب عليك التسجيل للمشاهدة الرابطللتسجيل اضغط هنا]

واقفيت من عنده على صوت بابـه-

ياشاااع ــر ,, وش لكـ ببنـتــ العم كـانها بحــسبت أختكـ وابوها هالشايب المسكين

صراحه قصيده روعه حيــل
أعجبتني مره فيه قضايا اجتماعيه بأسلوب مضحك ومحزن بنفس الوقت

الصاعقه نقل موفق الله يسعدك
>> تحب القصايد خخخخخخ

مشكوووووووررررررررر

المعاني · 03-26-2008, 01:10 PM

ههههههههههه

ماقصًر في عمه

يعطيك الله العافيه

الصاعقه

حرنكش · 03-26-2008, 02:15 PM

مشكور والله خوش قصيدة

الصاعقة · 03-26-2008, 06:57 PM

اقتباس:

المشاركة الأصلية كتبت بواسطة عايشه بصمت [عزيزي الزائر يتوجب عليك التسجيل للمشاهدة الرابطللتسجيل اضغط هنا]

:rolleyes

صراحه قصيده روعه حيــل
أعجبتني مره فيه قضايا اجتماعيه بأسلوب مضحك ومحزن بنفس الوقت

الصاعقه نقل موفق الله يسعدك
>> تحب القصايد خخخخخخ

مشكوووووووررررررررر[/color]

بارك الله فيكِ ولا حُرمتِ الأجر والثولب

وبصراحة ماأحب القصايد بس هذي000!!!

أعجبتني ونقلتها لكم من إيميلي

من عند صديق عزيز

الصاعقة · 03-26-2008, 07:03 PM

اقتباس:

المشاركة الأصلية كتبت بواسطة المعاني [عزيزي الزائر يتوجب عليك التسجيل للمشاهدة الرابطللتسجيل اضغط هنا]

ههههههههههه

ماقصًر في عمه

يعطيك الله العافيه

الصاعقه

الله يعافيك

أسعدني مرورك أسعدك ربي في الدارين

الصاعقة · 03-26-2008, 07:10 PM

اقتباس:

المشاركة الأصلية كتبت بواسطة حرنكش [عزيزي الزائر يتوجب عليك التسجيل للمشاهدة الرابطللتسجيل اضغط هنا]

مشكور والله خوش قصيدة

العفو

أسعدني مرورك أسعدك ربي في الدارين

فارس العرب · 03-26-2008, 10:34 PM

37- قلت الله اكبر يا محـرر فلسطيـن

من يسمعك يحسبك ذيـب الذيابـه-

38- تراك شايب راس مالـك رياليـن

والبنت ما تسوى جنـاح الذبابـه -

رد في محله هههههههههههه مشكور اخوي الصاعقه الشغله صارت تجاره هذا يبي له مليون علشان يرضي عمه الله لا يهديه بس

الصاعقة · 03-27-2008, 12:13 PM

اقتباس:

المشاركة الأصلية كتبت بواسطة فارس العرب [عزيزي الزائر يتوجب عليك التسجيل للمشاهدة الرابطللتسجيل اضغط هنا]

37- قلت الله اكبر يا محـرر فلسطيـن

من يسمعك يحسبك ذيـب الذيابـه-

38- تراك شايب راس مالـك رياليـن

والبنت ما تسوى جنـاح الذبابـه -

رد في محله هههههههههههه مشكور اخوي الصاعقه الشغله صارت تجاره هذا يبي له مليون علشان يرضي عمه الله لا يهديه بس

العفو

أسعدني مرورك أثابك الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري