ياالله يا مجري تصاريــف الافــلاك
محصــي قضى ما بلقضا صار بالكون
حلال عســرات الدواهــي والاشباك
إللي دعــاه لكشـف الاهوال ذا النون
وانجيت يوسف من دواهيــم الاشراك
سامـع دبيب النمــل عــلام مكنون
محيي ورق ميت الشجــر وأنت فكاك
عاقات من عاقه طريــحٍ ضحى الكون
يامن على أمــره حـل الافلاك بعلاك
يجري الفلــك بامـره و لمره يطيعون
ترحيم غريــمٍ ظيــم بسهام الادراك
هذا تمــام الحــول من طاح مكيون
ما سال حيٍّ أو شكــى الحال لسـواك
أنت الذي أمــرك ابكــافٍ مع النون
ارحم ورم من رام بالريــم شــرواك
وصلك وصل من له وليــفٍ و مرهون
قلبــي بصافي الولف خصك و صافاك
قل ليه ما لمولــع القلـب تصفــون
يا زين لا تشمــت بي اعـداي واعداك
اعرف وشف كني من الولـف مسجون
نحيــف حالٍّ فارق الحــي فريــاك
اليــوم ودي بالنجايـب تريضــون
آخــذ ثمـانٍ مـن ثمـانٍ بحسنــاك
مجروح روحٍ عن فنا الروح تسقــون
راحٍ رحيــقٍّ ذيــب يا زيـن بشفاك
من كالوالو ســال صافــي و معيون
أقفــا وقال صخيــف الاقــدام ليِّاك
تمشي حذا ناسٍ على السيــر يمشون
له قلـت ينعشنــي الى شفــت رئياك
وابصرت لك زاهـر احجاجٍ كما النون
تركي بن ماضي
المواضيع المتشابهه 
قصيده لتركي بن ماضي.... 
العرض العادي
