يا صاحبي الدنيــا حكايات وعلوم ... قصص عجيبــه تذهـل اللي قراها

لو تضحك الدنيــا معك دايم الــدوم ... خلك فطيــن ولا يهمــك رضــاها

كم واحد تبنى له آمــال وحلـــوم ... يفنــى وغيره يهتنـــي في بنــــاها

يا ما أفرحت قوم ويا ما أحزنت قوم ... وكم عشقت عين وخـانت غلاها

يا صاحبي عقب أمس شف حالنا اليوم ... دنيــا تقلب يكفـــي الله بــلاها

اليوم لا منه بغت عينــي النــوم ... تنكدت روحـــي وعـــافت كـــراهــا

ما كل من عــلا بالأصوات مفهوم ... وما كل روح تلتقــي مع منـــاهــا

وما كل من يشكــي معذب ومحروم ... وما كل من يضحك همومه نساها

بحر الحياه إن صرت ما تعرف العوم ... يرميــك في غبــه بعيـــد مــداها

من راح يستسلم من أحـزان وهمـوم ... يموت حي وحــاجته ما قضــاها

واجــه هبــوب الوقت بإيمان وعزوم ... لا بد مـا ربك يهــدي هــواهـــا

وأصبر إذا شمسك حجب نــوره غيوم ... تفــرق غيــومه ويشرق سنـاها


وســـــــــــــلامــتـــــــــــكم