مممممممممممممممم
والله ياعايشة تبين الحقيقة ...أنا مرت علي فترة من عمري كنت أكد على سيارتي وزبايني ليتهم كانوا سعوديين لااا كانوا هنود وسودانين يشتغلون بالمزارع على بعد عشرات الكيلومترات من مدينتي .....وكنت أتهاوش مع السودانيين بالذات هو يبي يركب بريالين وأنا حالف مايركب إلا ب5 ريال...الهنود والبنقال ماكنت أدقق معهم بس كنت أخاف واحد يموت وهو معي من حالتهم المزرية ...طبعا سيارتي كانت سبور ...ورغم كذا كنت أركب بين 8 _6 ركاب ....وشوفي عاد طول الرحلة محطات العالم تشتغل شي هندي وشي سوداني وشي بنقالي وشي الله العالم إنه عبري ....المهم كنت أحصل باليوم بين 50 و100 ريال وأخذ أبو خنانة وشلة حسب الله ونطلع للقهوة وأنواع الشيشة وسندوشتات المسحب وبراريد الشاهي ودلات القهوة لصبح .....وإستمريت على هالحال مدة طويلة

المهم في يوم من الايام السعيدة يوم كان ثالث يوم مانمت فيه ...حملت شلة عصمان وميراج وطقته ..طبعا النفسية كانت غلط والمزاج ضبابي منحاس .....مسكت معي إني مضيع المفتاح حق السيارة وإن فيه واحد من الركاب سارقه ....وكل ما أمشي بالسيارة شوي والمفتاح عليها أوقف وأفتشهم واحد واحد وهم يلعنون مايدرون وش انا مضيع .....وقفت يمكن 6 مرات كل مرة أضرب فرامل بقوة بهالصحرى وأنزلهم وانا معصب وأنواع التنفيض وتنقيز العيون لدرجة حسبوني فيها إستخبارات فسايروني وهم ينتفضون من الخوف ..........وبعد ما وصلنا للمزارع سألني واحد زول شكله كان هو المثقف بينهم (((أي يازول أسألك بالله شنو إنتا مضيع الله يهديك )) قلت له بإقتناع وعصبية ((مفتاح سيارتي ياجنط)) ....قالي ((آآآآي وإنتا داير تسوق شنو فينا دلوقيت )) قلت له وأنا مادري شيبي يوصل له ((أسوق سيارتي يا ذكي )) قال لي ((لاحول ولا قوة إلا بالله وسيارتك هااذي شنو يدورها دلوقيت )) قلت له ((المفتاح )) طالع لي بنظرة ساحرة عميقة حسستني إن فيه شي غلط ....المهم تفتق ذهني إني زحفت وجبت العيد .....طلع الزول يتحسبن ويشكر الله على نعمة العقل وانا رجعت للبيت ولعبت دوري بلاستشن ونمت ....ومن بعدها توبة أكد على سيارتي ثاني لأني عرفت سبب تناحتي .....السبب ماهو قلة النوم السبب إني كنت أكد على سيارتي
<<<يبي يتصفق هههههههههههههههههههههههههههههههههههه