طفله علموها ثلاث عيوب

TARGET · 05-08-2007, 05:41 PM

طفلة صغيره ..ومن الصغر
..علموها ثلاث عيوب
بوجه الغريب ..لاتضحكين
وسوي .. ولا تسألين
!!..وأهمها .. حذاري تحبين

ومر الزمن .. والطفلة
كبرت .. وهالعيوب كبرت..
!!..إحفظتها بقلبها ..إفهمتها بعقلها
!!...إلا الأخير .. وآآه من الأخير

حاولت تفهمه .. ماقدرت
!..حاولت تجنبه .. ماصبرت
واخيراً قررت
تنسى ذاك العيب الكبير
..تنسى ذاك الهم الكبير

-----

ومرت الأيام .. والوقت الطويل
ومرها طيفٍ من بعيد
سكن في قلبها ..ضحك في وجها
حست بقلبها .. يرجف
وبعينها .. تدمع
ودها إنه منها قريب .. ودها
....مايبعد عنها
مسكينه حبت .. ولا حست
وسوت أكبر ..هالعيوب
-----

راحت لأمها .. تشكي
تحكي .. وتحكي
مثل ماتعودت من يومها ..طفلة
أمها بكت وقالت : بنتي تحب
!!..أبوها سكت وقال : لايدري أحد

أبعدوها عن الناس
خافوا تقول ذاك الإحساس
وصارت تسامر ..النجمه
وتحسب ..للقدر "حكمه"
تفكر في فارس الأحلام
وتبني ذيك الأمال-----

ماطولت في حلمها
جاها ولد عمها
يبيها ..يبي قربها
وافق أبوها .. وافقت أمها
قالوا : مافيه إلا ولد عمها
يبعد العيب عنا .. وعنها

وهي .. للحين ترسم
محدٍ أخذ رايها .. ولا احدٍ شاورها
بكت قالت : لا .. محدٍ سمعها

وجا ذاك اليوم إلي يسمونه زفاف
وهو بعيونه .. يوم الممات
وإجتمعوا الأحباب .. والأصحاب
محدٍ درى عن قلبها .. عن همها
محدٍ عرف وش نيتها

-----
قالوا : الفرحه
وكلٍ هتف
قالوا : الزفه
وكلٍ وقف
بس للأسف
هي ماحضرت
هي ارحلت
خذت ذنبها .. وذنب
أهلها .. وإرحلت ..
خذت عيبها الكبير
!..وإرحلت

حتى ذاك الطيف البعيد
إتركته .. وإرحلت

عايشه بصمت · 05-08-2007, 08:46 PM

قصيده مؤثره جدااااااااا

انا بفهم وش عندهم الأهالي على بناتهم ماتلتفت الوحده الا حطوا لها بهالفه ولد عمها وش يبي هو !!!!
طيب يمكن ما تحبه لحوووووووول الحياه غصب هي ههههههههههههههههههههههه

اطربتنا بالقصيده واحزنتنا على البنت مسكينه مشكووووووور
يأبو المواضيع المميزه

عايشه بصمت · 05-08-2007, 08:49 PM

زينوها وادفنوها والكفن ثوب الزفاف
غصب عنها زوجوها وسلموها للغريب؟!!
مجبره ماشاوروها قصدهم شرع العفاف
ماد روا إن البنية مغرمه ولها حبيب!!
جهزوها وهي تبكي وترتشف دمع ارتشاف
وخبروها إن موعد الفرح منها (قريب)
مالقت أحدا" فهمها وهمها ناظر وشاف
إن حكت باللي سكنها مالقت إلها مجيب
وكانها هي وافقتهم جرعوها الزعاف
حالها من فعل أهلها صار محزن ومريب
والحفل قرب وقامت ترتجف خوف ارتجاف
كل يوم تقول باكر الفرج بإذن الرقيب
باكر يمكن يفهمون قصتي بآخر مطاف
جا باكر ثم عدا وجا بعد باكر عطيب
وعلقوا عقد الإناره وإحتشد فرد وآلاف
أيقنت إن الجرح جرحها ماله طبيب
وإنها لازم تطيع أمرهم وترضى الجفاف
جو لها والدمع يغرق جفنها الحلو الرطيب
قالوا ياالله إلبسي ثوبك اللي للزفاف
كفنوها وفي نظرهم زوجوها للأديب
فرشوها الهم دايم والأسى لها لحاف
ياحسافه دخلوها والحشا يغلي لهيب
وأحكموا قيد البنيه وإسجنوها بإلتفاف
وادعتهم وهي تقول حسبي الله [[الحسيب]]
رحلتي ماهيب طويله ورجعتي بعد القطاف!!
سافرت عن دار أهلها وقلبها خطر [[وصويب]]
سافرت مع منهو خطفها من أمانيها الضعاف
خايفه مستوحشه والعرق منها صبيب
وقلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب
بس عيت تقتنع وعشقها ذاك <الضفاف>
هو سألها جاوبيني ليه دمعاتك (سريب)
ليه لي ماتنظرين وأنا زوجك شخص واف
قالت بنبره خجوله أنا في وضع" رهيب
غصب عني زوجوني وإطعنوني بالرهاف
هو سكت لحظة تأمل وش أسوي يامجيب
عقله وقلبه نطقها صاحب النخوه يعاف
قال منهو غير حبي يسكن بقلبك نجيب
من تولى عرش قلبك إهتني به ياعفاف
وباكر الرجعه تراها وإمسحي الدمع العجيب
خايف إني أمسكك وأقترف ذنب إقتراف
إضحكت ضحكه وقالت مابعد هالطيب طيب
الله يجازيك عني بالأجر ويسر الطواف
إرجعت وقالت رجعت ياأهل الشرع[[الغريب]]
بنتكم جتكم ولكن من بعد ذل وحساف
وإبعثت مرسول عاجل أنا جيتك ياالحبيب
النذر اللي نذرته صار وافي يامناف?!
إجلست يوم وتأخر لارساله (ولامجيب)
وعقلها يمه تشتت وبدت بالغيبه تخاف
مرها طفل صغير وإسألت عن الصحيب
قال مات ليلة زفافك وإندفن بعد الزفاف
ناحت بحسره وطالت الليالي والنحيب
وودعت قبل اللقاء حلمها الزاهي وطاف
إقتلوها مرتين وشابت ماقبل المشيب
وذاب قلب" قد تعلق والبصر جاه الكفاف

المعاني · 05-08-2007, 11:28 PM

بارك الله فيك

TARGET · 05-09-2007, 01:58 PM

التميز توااجدكم الدائم عيوووش يسلمو

المعاني الله يبارك لك في دينك و مالك وصحتك وعائلتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري