أنا وقلبي مع الأحزان

آه .. يا قلب الحزن وجاك
وش غير عليك اليوم من الحظ وأخباره
ولا داهمك سيل شلالك
يجرف معاه فرح عمرك ويبس أزهاره

***

أقول يا صاح لا تنشد وش الجاري
آه .. ياوجدي ويأسي وحرماني
ضاع من العمر أحلى الليالي
والعالم الله وش يكن الزمان من الليالي

***

أقاسي من عثرات الزمان
وكل الأقدار تماشى عكس تياري
يدفعني الأمل والسلوان
ولا أدري يمكن تنطفي كل أنواري

***

أيه ياقلب لا يعصف بك اليأس
وكل أمورك على الوالي سبحانه
ربك خالق الكون والأنفاس
مقسم الأرزاق عالي في شأنه

***

يا صاح ماغيرك من الناس عايش أفكاري
وإن عشت بعالم الأفكار عالم ثاني
وأشوف الحال في حياتي كني بحالي
وشتت الحظ كل ما كان بعيوني أحلامي

***

يا قلب هون عليك اليوم لا تنظام
باكر يغير ربك تصاريف الأحوالي
القدر سجله ربك وخطه بدون أقلام
ولا غير في مساره عبدٍ ولا والي

***

يا صاح أشوف تخفف عني أحزان
ودموعك من فوق الأوجان همالي
وشلون تشيل الحمل وأنت غرقان
ومن حولك أسدل عليك سود الليالي
أما نموت أثنين ونكفن بأكفان
ولا حياتي من دونك ما لها طعم حالي

***

يا قلب لا تكثر اللوم
أناجيك وأنا اللي أدور مناجي
مير شي قوي كسر حلوم
وهدم صروح الوقت ويبس صغار أزهاري

***

هذا أنا وقلبي مع الأحزان
لا عدلت ميل الوقت
راح الحظ من جديد مالي