تخيل : نسيبك باكستاني .. أو .. تخيل : بنقالي جاكم يخطب !!

TARGET · 02-27-2007, 11:25 AM

تخيل ماتدري في أحد الأيام .. إلا وباب بيتكم يطق ..

طق طق طق

تقول : مين عند الباب ..

يقول : أفتخ باب .. انا كمار

تفتح الباب .. وتحصله العامل .. اللي يغسل السياره ..

وهو فاك الضحكه على وجهه ..

وش تبغى ياكمار في هالوقت جاي عندي ..

يقولك : بابا .. مافيه أقلط ..

بعد ما تدخله لبيتك .. وتضيفه ..

وتصب له فنجال القهوه .... يقولك :

فنجال حق انته مافيه أنا اشرب هوه .. انت اول يقول (( تم )) على طلب مال أنا ..

<<< ينعل ام اللغه اللي تعرفها ..

المووووووهم ..

وتنزل عليك الصاعقه .. لما تسمع طلبه ..

أنا طالب القرب منكم ..

ابو هنود حاط عينه على البنت .. يبغى يتزوجها ..

في هالموقف وش راح تسوي .. وش بتقوله .. كيف تكون ردت فعلك !!

\
/
\
/
( جميع ما سبق .. مجرد مقدمه .. لموضوعي )
.
.
.

أستغربت أنا من الاحداث الاخيره . وتسليط الانظار على الفتاة السعوديه .

( عاد ما شافو إلا هي من زين الخشه )

كل ما أفتح قناة ولا أناظر جريده ولا أتصفح منتدى أحصل أنواع المواضيع اللي تخص السعوديات .

قيادة المرأه السعوديه .. زواج المرأه .. عنوسة المرأه .. دراسة المرأه .. ذهاب المرأه ..

وقبل مده وأنا فاك خشتي عند الستلايت ..

<< موصل السلك من عند الجيران .. والوالد مايدري ..

ولفت أنتباهي تقرير على أحد القنوات

وموضوعه هو :

(( السعوديات يؤيدن الزواج من أجنبي ))

قلت في نفسي ياولد خلني أشوف هالتقرير وأعرف من (( بني علمان )) وش عندهم من أفكار جديدة .

لكن طلع تقرير فاشل ولا عنده سالفه ...إلا والله رفع ضغطي وقطعت سلك الدش وتهاوشت أنا وولد جارنا .

وكله بسبب هالموضوع !!

أنا أقول أن هالتقرير (( خطأ في خطأ)) وبنات السعوديه مايرضون أبد .... وخويي يقول لا كلامهم صحيح .

وأغلب بنات هاليومين وخصوصا الجامعيات يؤيدون هالفكره .

لأنهم بنات متعلمات وفاهمات ودلوعات وواصلين لمستوى راقي ..

مو اي واحد يتزجها ... يااااااااااااااااااي

أنا عن نفسي مستغرب . قبل مده كان أحد شروط البنت اللي بتتزوج أن يكون المتقدم لها قبيلي . ومن نفس قريتهم ..

وأنه لم يسبق له السفر الى الخارج وأنه يحب البلوت ويشجع المنتخب السعودي وسيارته كامري جنوط لومينا .. .. ... خذ وخل

هههههههههههههههههههههههه

وفي نفس الوقت أعرف الكثير من الشباب اللي راحو يخطبون عند ناس قبيليين وكان رد البنات :

((ييييععع معد بقي إلا هي أتزوج طرش بحر ))

واليوم .. يقبلون الزواج من أقرب هندي
سبحان مغير الاحوال ...

صارو يوافقون على الزواج من الاجانب بكل بساطه .. وانتشرت هذي الظاهر بشكل ملحوظ ..

صار الاجنبي أفضل من ولد الديره .. ليييييييييييه ؟؟

أنا أقصد بالاجنبي اي شخص تختلف جنسيته عن البنت ..

يمكن يكون أمريكي او بريطاني او حتى أفريقي ..

على كل حال

أنا حبيت أناقش معكم الموضوع وأسأل البنات ..

هل فعلا أنتِ أحد شروطك لزوج أن يكون قبيلي .

أو أنك تقبلين الزواج من أي شخص حتى ولو كان أجنبي .

هل مسألة ( الأصل والفصل ) للعريس تهمك أم أنها صارت موضه قديمه ؟

أترك الموضوع لكم وأتمنى أجد الصراحه والشفافيه ..

الموناليزا · 02-27-2007, 01:36 PM

ذكرتني بفتون يوم جا يخطبها الصعيدي
مدري وش اسمه حاله
والله انك مخرف ياتارجيت

TARGET · 02-27-2007, 04:00 PM

اقول خلي عنك التخاريف وعطينا وجهة نظرك يا المشرفه

فــهـد · 02-27-2007, 09:28 PM

اخوي تارقت

موضوعك رائع جدا بمعنى الكلمه

لكن يا حبذا لو كان الموضوع

بدون تطرق للقبليه او غيرها للابتعاد عن التمييز في هذا الموقع

وخصوصا انه يسبب المشاحنات والتباغض

انت يالغالي

حددت سؤالك بالاجنبي , فارجوا توضيح هذه النقطه

ملاحظه هامه :

ارجوا التقيد بآداب الاسلام وعدم المشاحنات في الردود <<<<<<<<< مجهز العصابه قبل الفلقه

انت اخوي تارقت ما قصرت بطرحك لهذا الموضوع القيم

لكن الملاحظه من باب الاحتياط

بالتوفيق للجميع

الشايب المراهق · 02-28-2007, 04:10 AM

موعيب اخوي بس اهم شي مسلم ويخاف الله
:::::: ويهرج عربي :::::::::::::::
ههههههههههههههه؟؟؟؟؟؟؟؟؟؟؟؟؟؟؟؟؟؟؟؟؟؟

الشايب المراهق · 02-28-2007, 04:10 AM

لافرق بين عربياااا واجنبي الا بالتقوى

الموناليزا · 02-28-2007, 07:42 AM

وجهة نظري يالشيخ
انه شيء مستحيل نظرا للعادات والتقاليد
غالبا يكون فيه مشكلة قبيلي وغير قبيلي
او العائله هذه ماتناسب الا عوائل محدده
فكيف بأجنبي بغض النظر عن جنسيته

عربجي أسهم · 02-28-2007, 10:45 AM

"اذا جاءكم من ترضون دينه وخلق فزوجوه "

ولكن من ناحية اخى لا ننسى التناسب الذي يهيأ الجو لاستمرار العلاقة الزوجية بصورة صحيحة

يعني هل من الممكن ان يزوج احد ابنته لعربي مسلم يعيش في بلده ولكن ما عنده مشكلة بالاختلاط ويسوس عشاء عمل لازم تحضر زوجته معه

والا يسهر عند اصحابه ويجلسون الحريم والرجال سوا

هل نقبله ؟؟؟!!!!

لا طبعاً

العادات والتقاليد مهمة يعني لازم عشان كل الاطراف ترتاح يكون فيه تقارب " مو لازم تطابق "

مؤشرات @ محلل · 02-28-2007, 11:14 AM

انا بعكسها.... ونشوف كم واحد ماخذ اجنبيه مع ان زواج الرجل باجنبيه اسهل بكثير من المراءه
نشوفها نسبه قليله والغااااااااااالب ماخذين سعوديات
وبوجهة نظري الجامعه تعطي ماتاخذ وتزيد وتفتح اكثر ومااظن ان احد يكبر عقله ويتفتح واول شي يتخلى عن مبادئه وعن عاداته
الموضوع يتعدى لغيره ويستمر بعدين معه منو بيقبل فيها وبعيالها >>>مااقول الا والنعم بالجميع
بس ليه ندور شي وبيدينا اغلى منه
ومااضن ان الغالب يطالعون كذا او يبون اجانب ....العين ماتعلى على الحاجب ومافي احد غيور على السعوديه اكثر من عيالها
والعرف معتبر بالشرع مو شي سهل او هامش مانقول انه مو معتبر
وهذا مايعني اننا قللنا من غيرنا
ويقولون ((من خد من غير عيلتو مات بعلتو))وكل بلد يمثل عائله وحده

اشكرك على موضوعك الحساس
ههههههه وعجبتني كثير
فنجال حق انته مافيه أنا اشرب هوه

ابولينا · 02-28-2007, 12:33 PM

اذا كبرت لينا اقولك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري